ഇന്ത്യയിൽ ആയുര്‍ദൈര്‍ഘ്യത്തിന്റെ കാര്യത്തിൽ മുന്നിൽ മലയാളി തന്നെ

ന്യൂഡൽഹി:  ദേശീയതലത്തില്‍ ശരാശരി ആയുര്‍ദൈര്‍ഘ്യത്തില്‍ ഒന്നാം സ്ഥാനം കേരളത്തിന്. സെന്‍സസ് വകുപ്പു പുറത്തുവിട്ട കണക്ക് പ്രകാരം 74.9 വയസ്സ് ആണ് മലയാളിയുടെ ശരാശരി ആയുര്‍ദൈര്‍ഘ്യം. ഇതിൽ പുരുഷന്മാരുടെ ആയുര്‍ദൈര്‍ഘ്യം 72 വയസ്സ് ആകുമ്പോൾ സ്ത്രീകളുടെ ആയുര്‍ദൈര്‍ഖ്യം 77.8 വയസ്സാണ്.

കേരളത്തിലെ ഗ്രാമീണമേഖലയില്‍ ശരാശരി ആയുര്‍ദൈര്‍ഘ്യം സംസ്ഥാന ശരാശരിക്കു തുല്യമാണ്, 74.9 വയസ്സ്. ഇവിടെ വനിതകളുടെ ആയുര്‍ദൈര്‍ഘ്യം 78.1 വയസ്സും പുരുഷന്മാരുടേത് 71.7 വയസ്സുമാണ്. അതേസമയം ദേശീയതലത്തിൽ ആയുര്‍ദൈര്‍ഘ്യം ശരാശരി 70 വയസ്സാണ്. ദേശീയ തലത്തിൽ വനിതകളുടെ ആയുര്‍ദൈര്‍ഘ്യം 71.9 വയസ്സും പുരുഷന്മാരുടേത് 68.3 വയസ്സുമാണ്.