ഗർഷോം
ന്യൂഡല്ഹി: ചെലവുകുറഞ്ഞ വിമാന സര്വീസുകള്ക്കായുള്ള ഉഡാന് പദ്ധതിയില്പ്പെടുത്തി കണ്ണൂരില് നിന്ന് രാജ്യത്തെ എട്ട് നഗരങ്ങളിലേക്ക് ചെറുവിമാനങ്ങള് സര്വീസ് നടത്തും. കണ്ണൂരില് നിന്ന് ഡല്ഹിക്കടുത്തുള്ള ഹിന്റെന്, ബംഗളൂരു, ചെന്നൈ, ഗോവ, ഹുബ്ബള്ളി, മുംബൈ, കൊച്ചി, തിരുവനന്തപുരം എന്നീ നഗരങ്ങളിലേക്കാണ് സര്വീസ്. വിമാനത്താവളം തുറക്കുന്ന ദിവസം തന്നെ ഈ സര്വീസുകളും തുടങ്ങും.
കണ്ണൂരില് നിന്ന് ബംഗളൂരു, ചെന്നൈ നഗരങ്ങളിലേക്ക് സ്പൈസ് ജെറ്റ്, ഇന്ഡിഗോ എന്നീ വിമാനക്കമ്പനികളാണ് സര്വീസ് നടത്താന് തയ്യാറായിട്ടുള്ളത്. മുംബൈ, ഹിന്റെന്, ഹുബ്ബള്ളി, ഗോവ, കൊച്ചി, തിരുവനന്തപുരം എന്നിവിടങ്ങളിലേക്ക് ഇന്ഡിഗോയും ബംഗളൂരു, ചെന്നൈ നഗരങ്ങളിലേക്ക് സ്പൈസ് ജെറ്റ് ആഴ്ചയില് 14 സര്വീസും ഇന്ഡിഗോ ആഴ്ചയില് ഏഴു സര്വീസും നടത്തും. ബാക്കി ആറു നഗരങ്ങളിലേക്ക് ഇന്ഡിഗോ ആഴ്ചയില് ഏഴുവീതം സര്വീസാണ് നടത്തുക. ഉഡാന് പദ്ധതിയുടെ രണ്ടാംഘട്ടത്തിലാണ് കണ്ണൂരിനെ ഉള്പ്പെടുത്തിയിരിക്കുന്നത്.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.