ഇന്ത്യൻ പ്രൊഫഷണലുകളുടെ വിസാഫീസ് വർദ്ധിപ്പിച്ച നടപടി അമേരിക്ക പുന:പരിശോധിക്കും

ന്യൂഡൽഹി: ഇന്ത്യൻ പ്രൊഫഷണലുകളുടെ വിസാഫീസ് വർദ്ധിപ്പിച്ച നടപടി പുന:പരിശോധിക്കുമെന്ന് അമേരിക്ക. അമേരിക്കൻ വാണിജ്യ സെക്രട്ടറി പെന്നി പ്രിസ്കർ ഇക്കാര്യത്തിൽ ഇന്ത്യയ്ക്ക് ഉറപ്പ് നൽകി. വിസ ഫീസ് ഉയർത്തിയത് ഇന്ത്യൻ പ്രൊഫഷണകൾക്ക് ഏറെ ബുദ്ധിമുട്ടുണ്ടാക്കുന്നുണ്ടെന്ന കാര്യം കേന്ദ്ര വാണിജ്യ മന്ത്രിയായ നിർമ്മല സീതാരാമനാണു  ശ്രദ്ധയിൽപ്പെടുത്തിയത്.

ഡൽഹിയിൽ നടന്ന ഇന്ത്യ-അമേരിക്ക നയതന്ത്ര്യവാണിജ്യ ചർച്ചയിൽ പങ്കെടുക്കുകയായിരുന്നു ഇരുവരും. കഴിഞ്ഞ വർഷം വിതരണം ചെയ്ത 69 ശതമാനം എച്ച്.വൺ.ബി വിസകളും  30 ശതമാനം എൽ.വൺ വിസകളും ഇന്ത്യക്കാർക്കാണു ലഭിച്ചതെന്ന് പെന്നി പ്രിസ്കർ ചൂണ്ടിക്കാണിച്ചു.