ഖിസൈസിലെ സ്വകാര്യ സ്കൂള് ബസില് കണ്ടക്ടറായിരുന്ന കൊല്ലം കുരീപ്പുഴ സ്വദേശിനി സുജ തങ്കച്ചനാണ് ദുബായിയുടെ ചരിത്രത്തില് തന്നെ സ്വന്തം പേരെഴുതി ചേര്ത്തത്. നാട്ടില് സ്കൂട്ടര് മാത്രം ഓടിച്ചുള്ള പരിചയം മാത്രമുണ്ടായിരുന്ന സുജ കഠിന പരിശ്രമത്തിലൂടെയാണ് ദുബായിലെ ഹെവി ലൈസന്സെന്ന കടമ്പ കടന്നത്.
ലോകമെമ്പാടുമുള്ള ഫ്രീലാന്സര്മാര്ക്കും സംരംഭകര്ക്കും നിയന്ത്രിത ഇ-കോമേഴ്സ് പ്ലാറ്റ്ഫോമിലേക്ക് പ്രവേശനം നേടാനും പുതിയ വിപണികളെയും നിക്ഷേപ അവസരങ്ങളെയും ഡിജിറ്റലായി പര്യവേക്ഷണം ചെയ്യാനും ദുബായ് ആസ്ഥാനമായുള്ള കമ്പനികളുമായി എളുപ്പത്തില് സംവദിക്കാനും വിര്ച്വല് ലൈസന്സ് സഹായിക്കും.
ദുബായ് ഡ്യൂട്ടി ഫ്രീ നറുക്കെടുപ്പില് ഇന്ത്യക്കാരന് ഒരു മില്യണ് ഡോളര് അഥവാ 7.11 കോടി രൂപ സമ്മാനം. 16 വര്ഷമായി ദുബായില് താമസക്കാരനായ പ്രവീണ് അരാന്ഹയെയാണ് ഭാഗ്യം തേടിയെത്തിയത്. മറ്റ് രണ്ട് കൂട്ടുകാരുമായി പങ്കിട്ടെടുത്ത ടിക്കറ്റിനാണ് സമ്മാനം ലഭിച്ചത്.
കഴിഞ്ഞ ദിവസമുണ്ടായ വാഹനാപകടത്തില് മരിച്ച എട്ടുപേരില് ഒരാള് ഇന്ത്യക്കാരനാണെന്ന് സ്ഥിരീകരിച്ചു. മറ്റ് ആറുപേര് നേപ്പാള് പൗരന്മാരും ഡ്രൈവര് പാകിസ്ഥാന് പൗരനുമാണ്. പരിക്കേറ്റ് ആശുപത്രിയില് കഴിയുന്ന ആറ് പേരില് അഞ്ച് പേരും ഇന്ത്യക്കാരാണ്. ഒരു ബംഗ്ലാദേശി പൗരനും ഇവര്ക്കൊപ്പം എമര്ജന്സി വാര്ഡില് ചികിത്സയില് കഴിയുന്നു. ഇവരില് രണ്ടുപേരുടെ നില ഗുരുതരമാണ്.
ഒക്ടോബര് 18 മുതല് നവംബര് 16 വരെയാണ് ദുബായ് നഗരത്തിന്റെ വിവിധ ഭാഗങ്ങളില് ഫിറ്റ്നസ് ചലഞ്ച് നടത്തുന്നത്. ആരോഗ്യസുരക്ഷാ ബോധവത്കരണ പരിപാടി ഇപ്രാവശ്യം ജിസിസിയെ കൂടി ഉള്പ്പെടുത്തിക്കൊണ്ടായിരിക്കും. ദുബായിയെ ലോകത്തെ ഏറ്റവും ആരോഗ്യവും സന്തോഷവുമുള്ള നഗരമാക്കുക എന്ന ലക്ഷ്യത്തോടെയാണ് ഫിറ്റ്നസ് ചലഞ്ച് സംഘടിപ്പിക്കുന്നത്.
ശനിയാഴ്ച രാത്രി മന്ഖൂലിലെ ഫ്ലാറ്റില് ഗ്യാസ്പെപ്പില് അറ്റകുറ്റപണി നടക്കുന്നതിനിടെയാണ് പൊട്ടിത്തെറിയുണ്ടായത്. ജോലി നടന്നിരുന്ന ഫ്ലാറ്റിന് സമീപം താമസിച്ചിരുന്ന ലക്നൗ സ്വദേശിയാണ് മരിച്ചത്. ഇദ്ദേഹവും മകളും ഇടനാഴിയിലൂടെ നടന്ന് വരുമ്പോഴാണ് സമീപത്തെ ഫ്ളാറ്റില് നിന്ന് വന് ശബ്ദത്തോടെ സ്ഫോടനമുണ്ടായത്.
ഗള്ഫ് മേലഖയില് നിന്നുള്ള ആവശ്യകത കൂടി കണക്കിലെടുത്താണ് ഹലാല് ചിട്ടിക്ക് രൂപം നല്കുന്നതെന്ന് ധനമന്ത്രി ഡോ. തോമസ് ഐസക് വ്യക്തമാക്കി. നിലവിലുള്ള കെ.എസ്.എഫ്.ഇ ചിട്ടിയില് നിന്ന് തികച്ചും വേറിട്ട ഘടനയായിരിക്കും ഹലാല് ചിട്ടിയുടേതെന്ന് ധനമന്ത്രി വ്യക്തമാക്കി. ചുരുങ്ങിയ തുക സേവന നിരക്ക് മാത്രം ഈടാക്കിയാകും ഹലാല് ചിട്ടിയുടെ നടത്തിപ്പ്.
45 ദിവസത്തിനു ശേഷം ഇവിടെ 185 പുതുക്കിയ സ്ലോട്ടുകള് തുറക്കും. ഇതിനു പിന്നാലെ 95 പാര്ക്കിങ് സ്ലോട്ടുകള് 7 മാസത്തേക്ക് അടയ്ക്കും. അടുത്ത വര്ഷം ജൂണില് പണി പൂര്ത്തിയാകുമ്പോള് ഇവിടെ 315 പാര്ക്കിങ് സ്ലോട്ടുകള് പകരം ഉണ്ടാവും. ഇതോടെ ഇവിടെ ആകെ സ്ലോട്ടുകളുടെ എണ്ണം 500 ആകുമെന്നും അധികൃതര് അറിയിച്ചു.
അഞ്ച് ഘട്ടങ്ങളായുള്ള സ്വദേശിവത്കരണ പദ്ധതിയാണ് ദുബായില് നടപ്പാക്കുന്നത്. തൊഴില് വിപണി പരിശോധിച്ച് തൊഴില് സാധ്യതകളും അവസരങ്ങളും തിരിച്ചറിയുന്നതാണ് അദ്യഘട്ടം. രണ്ടാം ഘട്ടത്തില് ഇതിനനുസൃതമായ വിദ്യാഭ്യാസത്തിനും അഭിരുചി പരിശീലനത്തിനും ഊന്നല് നല്കും. തൊഴില് പദ്ധതികള്, മാര്ഗനിര്ദേശങ്ങള് എന്നിവയ്ക്ക് ശേഷം നിയമങ്ങള്ക്കും ചട്ടങ്ങള്ക്കും രൂപം നല്കുകയുമാണ് പദ്ധതിയുടെ അവസാന ഘട്ടം. 12 വ്യത്യസ്ഥ മേഖലകളിലാണ് നിലവില് ശ്രദ്ധകേന്ദ്രീകരിക്കുന്നതെന്നും റിപ്പോര്ട്ടുകള് വ്യക്തമാക്കുന്നു.
ഓപ്പര്ച്യൂണിറ്റി മേഖലയില് പ്ലാസ, പവലിയന് എന്നീ രണ്ടു കെട്ടിട സമുച്ചയങ്ങളാവും ഉയരുക. എക്സ്പോ തീരുന്നതോടെ പ്ലാസ പൊളിച്ചുനീക്കും. സ്ഥിരം നിര്മിതിയായ ‘പവലിയന്’ വാണിജ്യ, വ്യാപാര, സാംസ്കാരിക കേന്ദ്രമായി തുടരും. അടുത്ത വര്ഷം ഒക്ടോബര് 20 മുതല് 2021 ഏപ്രില് 10 വരെ നീളുന്ന എക്സ്പോയില് ഇന്ത്യ ഉള്പ്പെടെ 192 രാജ്യങ്ങളാണ് പങ്കെടുക്കുന്നത്. എക്സ്പോയിലെ ഏറ്റവും വലിയ പവലിയന് കൂടിയായിരിക്കും ഇന്ത്യയുടേത്.
