Currency

Muscat

ഒമാനില്‍ രാത്രിയാത്രാ വിലക്ക് നിലവില്‍ വന്നു; അവശ്യ സേവനങ്ങള്‍ക്ക് മാത്രം ഇളവ്

ഏപ്രില്‍ എട്ട് വരെയുള്ള പത്ത് ദിവസ കാലയളവിലാണ് രാത്രി എട്ടു മുതല്‍ പുലര്‍ച്ചെ അഞ്ച് വരെ വിലക്ക് പ്രാബല്യത്തിലുണ്ടാവുക. രാത്രി എട്ട് മുതല്‍ പുലര്‍ച്ചെ അഞ്ച് മണി വരെ വ്യാപാര സ്ഥാപനങ്ങള്‍ അടച്ചിടുന്നതിന് ഒപ്പം വാഹന സഞ്ചാരത്തിനും ആളുകള്‍ പുറത്തിറങ്ങുന്നതിനും വിലക്കുണ്ടായിരിക്കും. അവശ്യ സേവനങ്ങള്‍ക്ക് മാത്രമാണ് ഇളവുണ്ടാവുക.

ഒമാനില്‍ വീണ്ടും രാത്രി യാത്രാവിലക്ക്; നിയന്ത്രണം മാര്‍ച്ച് 28 മുതല്‍

മാര്‍ച്ച് 28 ഞായറാഴ്ച മുതല്‍ ഏപ്രില്‍ എട്ട് വ്യാഴാഴ്ച വരെയാണ് രാജ്യവ്യാപകമായുള്ള ഭാഗിക കര്‍ഫ്യൂ പ്രാബല്യത്തില്‍ ഉണ്ടാവുക. രാത്രി എട്ട് മണി മുതല്‍ പുലര്‍ച്ചെ അഞ്ച് മണി വരെ വ്യാപാര സ്ഥാപനങ്ങള്‍ അടച്ചിടുന്നതിനൊപ്പം വാഹന സഞ്ചാരത്തിനും ആളുകള്‍ പുറത്തിറങ്ങുന്നതിനും വിലക്കുണ്ടായിരിക്കും.

പൊതുമാപ്പ്: ഒമാനില്‍ മാര്‍ച്ച് 31ന് അവസാനിക്കും, നിയമലംഘകര്‍ക്ക് ശിക്ഷ

കഴിഞ്ഞ നവംബര്‍ 15 മുതല്‍ ഡിസംബര്‍ 31 വരെയാണ് പൊതുമാപ്പ് പ്രഖ്യാപിച്ചിരുന്നത്. ഇത് പിന്നീട് മാര്‍ച്ച് 31 വരെ നീട്ടുകയായിരുന്നു. മാര്‍ച്ച് 31ന് ശേഷം ലഭിക്കുന്ന അപേക്ഷകള്‍ സാധാരണ രീതിയിലായിരിക്കും പരിഗണിക്കുകയെന്നും നിയമലംഘകര്‍ പിഴയൊടുക്കേണ്ടിവരുമെന്നും തൊഴില്‍ വകുപ്പ് അറിയിച്ചു.

ഒമാനില്‍ വീണ്ടും വീസാ വിലക്ക്; ജൂലൈ മുതല്‍ പ്രാബല്യത്തില്‍

ഒമാനില്‍ വീണ്ടും വീസാ വിലക്ക് പ്രഖ്യാപിച്ച് തൊഴില്‍ മന്ത്രാലയം. കൊമേഴ്ഷ്യല്‍ മാളുകളിലെ സെയില്‍സ്, അക്കൗണ്ടിങ്, കാഷ്യര്‍, മാനേജ്മെന്റ് തസ്തികകളില്‍ വിദേശികള്‍ക്ക് ഇനി വീസ അനുവദിക്കില്ല. ഇത്തരം മേഖലകളില്‍ നിയമനം സ്വദേശികള്‍ക്കു മാത്രമായി പരിമിതപ്പെടുത്തി.

ഒമാനില്‍ ഇന്‍സ്റ്റിറ്റിയൂഷണല്‍ ഐസോലേഷന്‍ നിയമത്തില്‍ മാറ്റം; മാര്‍ച്ച് 29 മുതല്‍ നിയമം ബാധകം

താമസത്തിനുള്ള ഹോട്ടലുകളും അപ്പാര്‍ട്ട്‌മെന്റുകളും സാമൂഹിക വികസന മന്ത്രാലയത്തിന് കീഴിലെ പ്രത്യേക ഓണ്‍ലൈന്‍ സംവിധാനമായ സഹാല പ്ലാറ്റ്‌ഫോം വഴി ബുക്ക് ചെയ്യണമെന്ന് സിവില്‍ ഏവിയേഷന്‍ പൊതു അതോറിറ്റി അറിയിച്ചു. ഒമാനിലേക്ക് വരുന്ന യാത്രക്കാരുടെ വിവരങ്ങള്‍ രജിസ്റ്റര്‍ ചെയ്യുന്നതിനായുള്ള httpsi/covid19.emushrifom വെബ്‌സൈറ്റിന്റെ ഭാഗമായിട്ടാണ് സഹാല പ്ലാറ്റ്‌ഫോമും പ്രവര്‍ത്തിക്കുക.

ഒമാനിലെ സര്‍ക്കാര്‍ ഓഫിസുകളില്‍ ഇനി 70% ജീവനക്കാര്‍ മാത്രം; 30 ശതമാനം വര്‍ക്ക് ഫ്രം ഹോം

ഒമാനിലെ സര്‍ക്കാര്‍ ജീവനക്കാരില്‍ 30 ശതമാനം വര്‍ക്ക് ഫ്രം ഹോം സംവിധാനത്തിലേക്ക് മാറി. മാര്‍ച്ച് 21 മുതല്‍ 70 ശതമാനം ജീവനക്കാര്‍ മാത്രം ഓഫിസുകളില്‍ എത്തിയാല്‍ മതിയെന്ന സുപ്രീം കമ്മിറ്റി നിര്‍ദേശത്തെ തുടര്‍ന്നാണിത്. എന്നാല്‍ ഓഫിസ് സേവനങ്ങളില്‍ മുടക്കമുണ്ടാകില്ല. കോവിഡ് നിയന്ത്രണങ്ങളുടെ ഭാഗമായാണ് പുതിയ നടപടി.

ഒമാനില്‍ കോവിഡിന്റെ മൂന്നാം തരംഗത്തിന് തുടക്കം; സാധ്യമായ എല്ലാ മുന്‍കരുതല്‍ നടപടികളും ചെയ്യുമെന്ന് ആരോഗ്യ മന്ത്രാലയം

ഒമാനില്‍ ജുണ്‍ അവസാനത്തോടെ ജനസംഖ്യയുടെ 30 ശതമാനം പേര്‍ക്ക് വാക്‌സിന്‍ നല്‍കും. ഈ വര്‍ഷം അവസാനത്തോടെ 70 ശതമാനം പേര്‍ക്ക് വാക്‌സിന്‍ നല്‍കലാണ് ലക്ഷ്യമെന്നും അണ്ടര്‍ സെക്രട്ടറി ഡോ. മുഹമ്മദ് അല്‍ ഹുസ്‌നി പറഞ്ഞു. ഈ മാസം അവസാനത്തോടെ രണ്ടര ലക്ഷം ഡോസ് വാക്‌സിന്‍ എത്തിക്കുന്നതിനാണ് ഒമാന്‍ ശ്രമിക്കുന്നത്.

ഒമാനില്‍ മൂല്യവര്‍ധിത നികുതി ഏപ്രില്‍ 16 മുതല്‍ പ്രാബല്യത്തില്‍

പരോക്ഷ നികുതിയായ വാറ്റ് ആത്യന്തികമായി വഹിക്കേണ്ടത് ഉപഭോക്താവാണ്. അഞ്ചു ശതമാനമാണ് വാറ്റ്. വില്‍പ്പനക്കാരന്‍ നികുതി കണക്കുകൂട്ടി ശേഖരിച്ച് അധികൃര്‍ക്ക് നല്‍കുന്നു. അധിക ഉത്പന്നങ്ങള്‍ക്കും സേവനങ്ങള്‍ക്കും രാജ്യത്ത് വാറ്റ് ബാധകമാണ്. ചിലതിന് ഇളവ് നല്‍കിയിട്ടുണ്ട്. ഓരോ വില്‍പ്പന കേന്ദ്രത്തിലും വിതരണ ശൃംഖലയിലും നികുതി ഈടാക്കും.

വിദേശികള്‍ക്ക് തിരിച്ചടി: ഒമാനില്‍ വിദ്യാഭ്യാസ വകുപ്പില്‍ സ്വദേശിവത്കരണ നടപടികള്‍ പുരോഗമിക്കുന്നു

ആദ്യ ഘട്ടമായി അധ്യാപക തസ്തികകളിലെ 2469 വിദേശികള്‍ക്ക് പകരം സ്വദേശികളെ നിയമിച്ചതായി തൊഴില്‍ വകുപ്പ് അറിയിച്ചു. പുതുതായി തൊഴില്‍ നല്‍കിയവരില്‍ 1455 പേര്‍ പുരുഷന്മാരാണ്. ഇസ്ലാമിക് എജ്യുക്കേഷന്‍, കെമിസ്ട്രി, ഫിസിക്‌സ്, ബയോളജി, ഐ.ടി, സ്‌പെഷ്യല്‍ എജ്യുക്കേഷന്‍ തുടങ്ങി 22 വിഭാഗങ്ങളിലാണ് വിദേശികളെ മാറ്റി സ്വദേശികളെ നിയമിച്ചത്.

ഒമാനിലെ ഇന്ത്യന്‍ സ്‌കൂള്‍ ഡയറക്ടര്‍ ബോര്‍ഡ് ചെയര്‍മാന്‍ തെരഞ്ഞെടുപ്പ് മാര്‍ച്ച് 18ന്

ഒമാനിലെ ഇന്ത്യന്‍ സ്‌കൂള്‍ ഡയറക്ടര്‍ ബോര്‍ഡ് ചെയര്‍മാന്‍ തെരഞ്ഞെടുപ്പ് മാര്‍ച്ച് 18ന് നടക്കും. കൊവിഡ് പശ്ചാത്തലത്തില്‍ രണ്ട് തവണകളിലായി ചെയര്‍മാന്‍ തെരഞ്ഞെടുപ്പ് നീട്ടി വെക്കുകയും നിലവിലെ കമ്മിറ്റിക്ക് ആറ് മാസം കൂടി കാലാവധി നീട്ടി നല്‍കുകയുമായിരുന്നു.

x