ഗർഷോം
മാറിയ ജീവിതസാഹചര്യങ്ങളും തെറ്റായ ഭക്ഷണശീലങ്ങളുമാണ് ക്യാന്സര് എന്ന മഹാരോഗം വ്യാപിക്കാനുളള പ്രധാന കാരണം. നമ്മള് ദിവസവും കഴിക്കുന്ന ചില ഭക്ഷണങ്ങള് പതുക്കെ ക്യാന്സര് ഉണ്ടാക്കുന്നു. ക്യാന്സറിന് കാരണമാകുന്ന 10 ഭക്ഷണങ്ങള് ഏതൊക്കെയാണെന്ന് നോക്കാം.
1. സംസ്ക്കരിച്ച മാംസം: മാംസാഹാരം, അത് ഏതായാലും വാങ്ങിച്ചയുടന് പാകം ചെയ്തു കഴിക്കുന്നതില് വലിയ അപാകതയില്ല. എന്നാല് മാംസം സംസ്കരിച്ച് പാക്കറ്റിലാക്കിയും, മറ്റു ഭക്ഷണത്തിനൊപ്പവും (പഫ്സ്, ബര്ഗര്, പിസ, സാന്ഡ്വിച്ച്) കഴിക്കുന്നത് ക്യാന്സറിന് കാരണമാകും. അതുകൊണ്ടുതന്നെ, ശീതീകരിച്ച് സൂക്ഷിക്കുന്ന പാക്കറ്റിലുള്ള സംസ്ക്കരിച്ച മാംസവും ഇറച്ചിയുമുള്ള പഫ്സ്, ബര്ഗര്, സാന്ഡ്വിച്ച് എന്നിവ ഒഴിവാക്കുകയും ചെയ്യുന്നത് നല്ലതാണ്.
2. ചുവന്ന മാംസം: ബീഫ്, മട്ടന് എന്നിവയൊക്കെ ചുവന്ന മാംസങ്ങളാണ്. ഇത് ദിവസവും കഴിക്കുന്നവര്ക്ക് ക്യാന്സര് പിടിപെടാനുള്ള സാധ്യത മറ്റുള്ളവരെ അപേക്ഷിച്ച് 17 ശതമാനം അധികമായിരിക്കുമെന്ന് ലോകാരോഗ്യ സംഘടനയുടെ റിപ്പോര്ട്ടില് പറയുന്നുണ്ട്.
3. മദ്യം: ലോകാരോഗ്യ സംഘടനയുടെയും അമേരിക്കയിലെ ആരോഗ്യരംഗത്തെ പ്രസിദ്ധീകരണങ്ങളുടെയും റിപ്പോര്ട്ട് പ്രകാരം ദിവസവും മദ്യപിക്കുന്നവരില് ക്യാന്സര് സാധ്യത മറ്റുള്ളവരെ അപേക്ഷിച്ച് മൂന്നിരട്ടിയാണ്. മദ്യപാനികളില് വായ്, തൊണ്ട, കരള് എന്നീ ക്യാന്സറുകളാണ് പൊതുവെ കണ്ടുവരുന്നത്.
4. കനലില് ചുട്ടെടുക്കുന്ന മാംസാഹാരം: ഇപ്പോള് മാംസാഹാരം കനലില് ചുട്ടെടുക്കുന്നത് വളരെ വ്യാപകമാണ്. രാത്രി വൈകുവോളം ഇത്തരം കടകള് നമ്മുടെ നാട്ടിലും സജീവമാണ്. എന്നാല് ഇത്തരത്തില് കനലില് ചുട്ടെടുക്കുന്ന മാംസാഹാരം അമിതമായി കഴിക്കുന്നത് ക്യാന്സറിന് കാരണമാകും.
5. അമിത ചൂടുള്ള ചായയും കോഫിയും: ചായയും കോഫിയും നമ്മുടെ സ്ഥിരം പാനീയങ്ങളാണ്. നമ്മുടെ ഒരു ദിവസം ആരംഭിക്കുന്നത് തന്നെ ചായയോ കോഫിയോ കുടിച്ചായിരിക്കും. എന്നാല് തിളയ്ക്കുന്ന ചൂടോടെ ചായയും കോഫിയും കുടിക്കുന്നത് അപകടകരമാണെന്ന മുന്നറിയിപ്പാണ് ലോകാരോഗ്യസംഘടന നല്കുന്നത്. ഇത് അന്നനാളത്തില് ക്യാന്സറുണ്ടാകാന് കാരണമാകും.
6. കോളകള്: അമിത മധുരവും മറ്റു രാസവസ്തുക്കളും അടങ്ങിയിട്ടുള്ള കോളകള്, ക്യാന്സറിന് കാരണമാകുന്ന പാനീയമാണ്.
7. വൈറ്റ് ബ്രഡ്: മൈദ ഉപയോഗിച്ച് ഉണ്ടാക്കുന്ന വൈറ്റ് ബ്രഡ് അധികം കഴിക്കുന്നത് ശരീരത്തിന് നല്ലതല്ലെന്ന് മാത്രമല്ല, ക്യാന്സറിന് കാരണമാകുകയും ചെയ്യും. ബ്രൗണ് ബ്രഡ് അഥവാ ഗോതമ്പിന്റെ ബ്രഡ് കഴിക്കുന്നതാണ് നല്ലത്.
8. ടൊമാറ്റോ സോസ:് ഏറെക്കാലമായി സംസ്ക്കരിച്ച് പാക്കറ്റിലാക്കി വരുന്ന ടൊമാറ്റോ സോസ് ക്യാന്സറിന് കാരണമാകും.
9. അമിതമായാല് പാലും: പാല് എന്നാല് സമ്പൂര്ണാഹാരമാണ്. ദിവസവും ഒന്നോ രണ്ടോ ഗ്ലാസ് പാല് കുടിക്കുന്നത് ആരോഗ്യത്തിന് വളരെ നല്ലതുമാണ്. എന്നാല് പാല് അമിതമായി കുടിക്കുന്നത് നല്ലതല്ല എന്നാണ് അടുത്തിടെ നടത്തിയ പഠനങ്ങളില് വ്യക്തമായത്. പാല് അമിതമായി കുടിച്ചാല്, പ്രോസ്റ്റേറ്റ് ക്യാന്സര് ഉണ്ടാകാനുള്ള സാധ്യത 68 ശതമാനം അധികമാണ്.
10. പഞ്ചസാര: അമിതമായാല് പഞ്ചസാരയും അപകടകരമാണ്. അമിതമായി പഞ്ചസാര ഉപയോഗിച്ചാല്, ക്യാന്സര് കോശങ്ങളുടെ വളര്ച്ച ത്വരിതപ്പെടും.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.