ഗോ എയര് മുംബൈയില് നിന്ന് ദോഹയിലേക്ക് നേരിട്ട് സര്വീസിന് ഒരുങ്ങുന്നു. മാര്ച്ച് 19 മുതല് ഹമദ് രാജ്യാന്തര വിമാനത്താവളത്തിലേക്ക് ആദ്യ സര്വീസ് തുടങ്ങും. മുംബൈയില് നിന്ന് വൈകിട്ട് 5.50 ന് പുറപ്പെടുന്ന ജി8-7വിമാനം പ്രാദേശിക സമയം 7.30ന് ദോഹയിലെത്തും.
ഖത്തറില് ഉന്നത വിദ്യാഭ്യാസത്തിനും സ്വകാര്യ സ്ഥാപനങ്ങളില് നിന്നും സര്ക്കാര് വിദ്യാഭ്യാസ സ്ഥാപനങ്ങളിലേക്ക് മാറാനും വിദ്യാര്ത്ഥികള്ക്ക് ആവശ്യമായ തുല്യത സര്ട്ടിഫിക്കറ്റ് ഇനി ഓണ്ലൈന് വഴിയും ലഭ്യമാകും. ആഴ്ച്ചയില് മുഴുവന് സമയവും പ്രവര്ത്തിക്കുന്ന ഓണ്ലൈന് സംവിധാനമാണ് ഇതിനായി തയ്യാറാക്കിയിരിക്കുന്നതെന്ന് വിദ്യാഭ്യാസ മന്ത്രാലയം അറിയിച്ചു. വിദേശ രാജ്യങ്ങളിലെ സിലബസ് പഠിച്ചവര്ക്കോ സ്വകാര്യ സ്ഥാപനങ്ങളില് പഠിച്ചവര്ക്കോ ഖത്തറിലെ സര്ക്കാര് സ്ഥാപനങ്ങളിലേക്ക് മാറണമെങ്കില് പ്രത്യേക തുല്യത സര്ട്ടിഫിക്കറ്റ് ഹാജരാക്കേണ്ടതുണ്ട്.
എംബസിയില് നിന്നാണെന്ന തരത്തില് പലര്ക്കും ഇത്തരം കോളുകള് വരുന്നുണ്ട്. ഇത് തീര്ത്തും വ്യാജമാണെന്നും ഇത്തരത്തിലുള്ള ഒരു കോളും എംബസി ഓഫീസില് നിന്നുണ്ടായിട്ടില്ലെന്നും വ്യാജ ഫോണ്കോളുകള്ക്കെതിരെ പ്രവാസികള് ജാഗ്രത പാലിക്കണമെന്നും ഇന്ത്യന് എംബസി പറഞ്ഞു. പാസ്പോര്ട്ട് നമ്പര്, ഖത്തരി ഐഡി നമ്പര്, പാന് കാര്ഡ് തുടങ്ങി വിശദാംശങ്ങളൊന്നും ഇത്തരക്കാര്ക്ക് നല്കരുതെന്നും പകരം വിളിച്ച നമ്പര് മനസ്സിലാക്കി എംബസി അധികൃതര്ക്ക് കൈമാറണമെന്നും ഖത്തര് ഇന്ത്യന് എംബസി അറിയിച്ചു.
അബു ഹമൂറിലെ സഫാരി മാളില് ഉപഭോക്താക്കള്ക്കായി പുതിയ വാഹന പാര്ക്കിങ് സൗകര്യം ഏര്പ്പെടുത്തി. സഫാരി മാളിന്റെ മുന്വശത്ത് 80,000 ചതുരശ്ര അടി വിസ്തീര്ണത്തിലാണ് പുതിയ പാര്ക്കിങ് സൗകര്യം. സഫാരിയിലെത്തുന്ന ഉപഭോക്താക്കളുടെ തിരക്ക് ക്രമാതീതമായി വര്ധിച്ച സാഹചര്യത്തിലാണ് നിലവിലെ പാര്ക്കിങ് സൗകര്യം കൂടാതെ പുതിയ പാര്ക്കിങ് സൗകര്യം ഏര്പ്പെടുത്തിയതെന്ന് മാനേജ്മെന്റ് അറിയിച്ചു.
ഖത്തറില് നിരീക്ഷണത്തിലുണ്ടായിരുന്ന രണ്ട് പേര്ക്ക് കൂടി കൊറോണയില്ലെന്ന് സ്ഥിരീകരിച്ചു. ഇതോടെ രോഗസംശയമുണ്ടായിരുന്ന ഇരുപത്തിയഞ്ച് പേരും രോഗബാധിതരല്ലെന്ന് ആരോഗ്യമന്ത്രാലയം അറിയിച്ചു. ഖത്തറില് നിന്ന് ചൈനയിലേക്കും തിരിച്ചും യാത്ര ചെയ്ത ഇരുപത്തിയഞ്ച് പേരെയാണ് കൊറോണ രോഗ ലക്ഷണങ്ങളോടെ ആശുപത്രിയില് പ്രവേശിപ്പിച്ചിരുന്നത്.
മേഖലയിലെ ഏറ്റവും പ്രചാരമേറിയ ഖത്തര് ഹലാല് മേളയ്ക്ക് കത്താറ പൈതൃക കേന്ദ്രത്തില് ഇന്ന് തുടക്കം. 9-ാമത് ഹലാല് മേളയില് കുട്ടികള്ക്കായി വിനോദ, മത്സര പരിപാടികളും ഇത്തവണ ഉണ്ട്. വ്യത്യസ്ത ഇനം ചെമ്മരിയാടുകളുടെയും ആടുകളുടെയും പ്രദര്ശനങ്ങള്, ചെമ്മരിയാടുകളുടെ ലേലം, ചെമ്മരിയാടുകളുടെ സൗന്ദര്യ മത്സരം എന്നിവയാണ് പ്രധാന പരിപാടികള്.
ഈ ദിവസങ്ങളിലേക്കായി നേരത്തെ ടിക്കറ്റ് ബുക്ക് ചെയ്തവര്ക്ക് മറ്റൊരു ദിവസത്തേക്കോ അല്ലെങ്കില് മറ്റൊരു സ്ഥലത്തേക്കോ മാറ്റി ബുക്ക് ചെയ്യാന് അവസരമൊരുക്കിയിട്ടുണ്ടെന്ന് ഖത്തര് എയര്വേയ്സ് വെബ്സൈറ്റില് വ്യക്തമാക്കിയിട്ടുണ്ട്. ഇല്ലെങ്കില് നിരക്കുകളൊന്നും ഈടാക്കാതെ തന്നെ മുഴുവന് പണവും റീഫണ്ട് ചെയ്യാനും സൗകര്യമൊരുക്കിയിട്ടുണ്ട്.
ഇന്നലെ രേഖപ്പെടുത്തിയ കൂടിയ താപനില 24 ഡിഗ്രി സെല്ഷ്യസാണ്. ചിലയിടങ്ങളില് 10,11,12 എന്നിങ്ങനെയാണ് താപനില രേഖപ്പെടുത്തിയത്. ഇന്ന് പകല്സമയം മഴയ്ക്ക് സാധ്യതയുണ്ട്. രാത്രിയോടെ തണുപ്പ് കനക്കും. കാറ്റിന്റെ വേഗം മണിക്കൂറില് 3 മുതല് 12 നോട്ടിക് മൈല് ആയിരിക്കും.
ഞായറാഴ്ച മുതല് ഫെബ്രുവരി 26 വരെ പരിശോധനാ യൂണിറ്റിന്റെ സേവനം അല് റയ്യാന് കേന്ദ്രത്തില് ലഭിക്കും. രാവിലെ 7 മുതല് ഉച്ചയ്ക്ക് 2 വരെയാണു പ്രവര്ത്തന സമയം. 45 നും 69നും ഇടയില് പ്രായമുള്ള വനിതകള്ക്കു സൗജന്യമായി തന്നെ മാമോഗ്രാം പരിശോധന നടത്താം. പ്രാഥമികാരോഗ്യ കോര്പറേഷന്റെ ദേശീയ സ്തന, ഉദര അര്ബുദ പരിശോധന പദ്ധതിയാണു സ്ക്രീന് ഫോര് ലൈഫ്.
ഫരീജ് അബ്ദല്ലസീസ് ഇന്റര്സെക്ഷന് മുതല് വാദി മുഷെറിബ് ഇന്റര്ചേഞ്ച് (അല് ജെയ്ദ പാലം) വരെയുള്ള ഗതാഗതമാണു വഴി തിരിച്ചു വിടുന്നത്. നാളെ മുതല് 6 മാസത്തേക്കു ഗതാഗത വകുപ്പിന്റെ സഹകരണത്തോടെയാണു നടപടിയെന്നു പൊതുമരാമത്ത് വകുപ്പ് അറിയിച്ചു.
