നിങ്ങൾ കൂടുതൽ സമയം ഇരിക്കുന്നുണ്ടോ? എന്നാൽ സൂക്ഷിക്കുക

കൂടുതൽ സമയം ഇരിക്കുന്നത് ആരോഗ്യത്തിന് അത്ര നല്ലതല്ലെന്ന് എല്ലാവർക്കും അറിയാവുന്ന കാര്യമാണ്. ഇതിനു അടിവരയിടുന്നതാണ് ഹൃദയ രോഗങ്ങൾക്കും പ്രമേഹത്തിനും സമീപകാലത്ത് കൂടുതലായി കാരണമാകുന്നത് തുടർച്ചയായുള്ള ഇരിക്കലാണെന്ന അമേരിക്കൻ ഹാർട്ട് അസോസിയേഷന്റെ റിപ്പോർട്ടും. ഇത്തരക്കാർ ഇടയ്ക്കിടയ്ക്ക് എഴുന്നേറ്റ് നടക്കാൻ തയ്യാറാകണമെന്നും ഒരു ദിവസം ഏറ്റവും കുറഞ്ഞത് അരമണിക്കൂർ വ്യായാമത്തിനായി നിർബന്ധമായും മാറ്റി വെക്കേണ്ടതാണെന്നും വിദഗ്തർ അഭിപ്രായപ്പെടുന്നു.

ഇരുപ്പ് കൂടുതലായാലുള്ള ദോഷങ്ങൾ

• രക്തസഞ്ചാരം മന്ദീഭവിക്കൽ
• ഹൃദയപേശികളുടെ പ്രവര്‍ത്തനക്ഷമത കുറയൽ
• അമിതവണ്ണം
• അമിതഭാരം
• ശരീരത്തിൽ കൊഴുപ്പിന്റെ വർധന
  
• വയർ സ്ഥൂലമാകൽ
• എല്ലുകളുടെ പ്രവർത്തനശേഷിയിലുണ്ടാകുന്ന അപചയം
• ശ്വാസോച്ഛ്വാസം മന്ദീഭവിക്കൽ
• നടക്കുമ്പോൾ അണപ്പ്

കൂടുതൽ സമയം കാറോടിക്കുകന്നതും, ടിവിയ്ക്കു മുന്നിൽ ഇരിക്കുന്നതും ആരോഗ്യത്തെ പ്രതികൂലമായി ബാധിക്കുന്ന കാര്യങ്ങളാണ്. യുവതലമുറ കൂടുതലായും ഇപ്പോൾ കമ്പ്യൂട്ടറിന്റെ മുന്നിലിരുന്നുള്ള ജോലിയിൽ ഏർപ്പെടുന്നവർ ആയതിനാൽ ഇവരുടെ ഈ ജീവിതശൈലിമൂലം വ്യായാമം പോലും പലപ്പോഴും ഫലപ്രദമാകണമെന്നുമില്ലെന്ന് അമേരിക്കൻ ഹാർട്ട് അസോസിയേഷനിലെ ആരോഗ്യവിദ്ഗതർ പറയുന്നു. ഇത്തരക്കാർ ശ്രദ്ധിക്കേണ്ട കാര്യങ്ങൾ എന്തൊക്കെയെന്ന് നോക്കാം

• ഇരിപ്പിടത്തിന്റെ കാര്യത്തിൽ ചില കാര്യങ്ങൾ ശ്രദ്ധിക്കുക: കാല്‍പാദം തറയില്‍ വെക്കാന്‍ പറ്റുന്ന, കാല്‍മുട്ട് 90 ഡിഗ്രി വളഞ്ഞിരിക്കാന്‍ സഹായിക്കുന്ന തരത്തില്‍ പൊക്കമുള്ള Armrest ഉള്ള, നടുവിന് സപ്പോര്‍ട്ട് തരുന്ന കസേര ഉപയോഗിക്കുക.
• നിവർന്നിരിക്കണമെങ്കിലും എപ്പോഴും നിവർന്ന് ഇരിക്കുകയുമരുത്. ഇടയ്ക്കിടയ്ക്ക് വളഞ്ഞിരിക്കുക
• ഫോണുകളിൽ സംസാരിക്കുമ്പോൾ എഴുന്നേറ്റ് നിൽക്കുക, ഇതൊരു ശീലമാക്കുക
• ഊണ് കഴിക്കുന്നത് പോലുള്ള പ്രവർത്തികൾ ചമ്രം പടിഞ്ഞിരുന്നാക്കുക
• പടികൾ കയറുന്നതിന് ലിഫ്റ്റ് ഉപയോഗിക്കുന്നതിന് പകരം നടന്നു കയറുക, കാറുകൾ കുറച്ചകലെ പാർക്ക് ചെയ്ത് നടക്കുക
• ഇടയ്ക്ക് കസേരയില്‍ ചാരിയിരുന്ന് പിന്‍ഭാഗത്തെ മാംസപേശികള്‍ ടൈറ്റാക്കുക.