ഗർഷോം
റിയാദ്: കേരളത്തിലും അറബ് രാജ്യങ്ങളിലും നാളെ റമദാന് വ്രതാരംഭം. രാജ്യത്തെവിടെയും മാസപ്പിറവി കാണാത്തതിനാല് സൌദി സുപ്രീം കോടതി ഇന്ന് ശഅ്ബാന് മുപ്പതായി പ്രഖ്യാപിക്കുകയായിരുന്നു. ഒരുക്കങ്ങളെല്ലാം പൂര്ത്തിയാക്കി വ്രതമാസത്തെ സ്വീകരിക്കാന് വിശ്വാസികള് ഒരുങ്ങിക്കഴിഞ്ഞു.
മക്കയിലെ മസ്ജിദുല് ഹറാം, മദീനയിലെ മസ്ജിദുന്നബവി ഉള്പ്പെടെ പള്ളികളെല്ലാം വിശ്വാസികളെ സ്വീക്കരിക്കാനൊരുങ്ങിക്കഴിഞ്ഞു. ഇരു ഹറമുകളും വിശ്വാസികളുടെയും തീര്ഥാടകരുടേയും രാപകല് ഭേദമന്യേയുള്ള കുത്തൊഴുക്കിന് സാക്ഷ്യം വഹിക്കുകയാണ്. ഇവര്ക്ക് പ്രാര്ഥനക്കും ഇഫ്താറിനും വിപുലമായ സൗകര്യങ്ങളാണ് ഒരുക്കിയിരിക്കുന്നത്.
ഇഅ്തിഖാഫിനായി ഇരു ഹറമുകളിലേക്കുമുള്ള രജിസ്ട്രേഷന് അന്തിമ ഘട്ടത്തിലാണ്. പകല് ദൈര്ഘ്യമേറുന്നതിനൊപ്പം 40 ഡിഗ്രിക്ക് മേലെയാകും അറബ് രാജ്യങ്ങളില് റമദാനിലെ ചൂട്. കൊടും ചൂടിലും ആത്മ സംസ്കരണത്തിന്റെ കുളിരേറ്റുവാങ്ങാന് കാത്തിരിപ്പാണ് വിശ്വാസികള്.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.