ഗർഷോം
ന്യൂഡല്‍ഹി: ആഭ്യന്തര വിമാന സര്‍വീസില്‍ ഭക്ഷണ വിതരണത്തില്‍ നിയന്ത്രണം. കൊവിഡ് രണ്ടാം തരംഗത്തെ തുടര്‍ന്നാണ് തീരുമാനം. രണ്ടുമണിക്കൂറില്‍ താഴെയുള്ള യാത്രകള്‍ക്ക് ഭക്ഷണം വിതരണം ചെയ്യില്ലെന്ന് വ്യോമയാന മന്ത്രാലയം അറിയിച്ചു. എന്നാല്‍ അന്താരാഷ്ട്ര വിമാനത്തില്‍ ഭക്ഷണ വിതരണത്തില്‍ നിയന്ത്രണമില്ല.
ഭക്ഷണം കഴിക്കുന്ന സമയത്ത് മാസ്‌ക് മാറ്റുന്നത് രോഗ വ്യാപനത്തിന് വഴിവയ്ക്കുമെന്ന ആശങ്ക കണക്കിലെടുത്താണ് പുതിയ തീരുമാനം. രാജ്യത്ത് കൊവിഡ് വ്യാപനം ആരംഭിച്ച സമയത്തും വിമാനങ്ങളില്‍ ഭക്ഷണ നിയന്ത്രണം ഏര്‍പ്പെടുത്തിയിരുന്നു. അന്ന് രോഗവ്യാപനം നിയന്ത്രിക്കാന്‍ സാധിച്ചുവെന്നാണ് വിലയിരുത്തല്‍. ഇതിന്റെ അടിസ്ഥാനത്തിലാണ് പുതിയ തീരുമാനം.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.