ഗർഷോം
ദോഹ: അറബ് മേഖലയിലെ ഏറ്റവും സുരക്ഷിതമായ രാജ്യങ്ങളുടെ പട്ടികയില് ഖത്തര് ഒന്നാം സ്ഥാനത്ത്. അറബ് മേഖലയില് ഒന്നാം സ്ഥാനവും ലോക രാജ്യങ്ങള്ക്കിടയില് മുപ്പതാം സ്ഥാനവും അരക്കിട്ടുറപ്പിക്കാന് ഖത്തറിനായിട്ടുണ്ട്. ഉപരോധം ഉള്പ്പെടെയുള്ള പ്രതികൂല വിഷയങ്ങള്ക്കിടിയിലും ഈ അവസ്ഥ നിലനിര്ത്താന് കഴിയുന്നത് അഭിമാനാര്ഹമാണെന്ന് ഖത്തര് പൊതു സുരക്ഷാ വിഭാഗം ഡയറക്ടര് ജനറല് സാദ് ബിന് ജാസിം അല് ഖുലൈഫി പറഞ്ഞു.
കഴിഞ്ഞ രണ്ട് വര്ഷമായി ആഗോള സമാധാന സൂചികയില് ഖത്തര് നിലനില്ക്കുന്നത് അഭിമാനകരമായ നേട്ടമാണ്. കുറ്റകൃത്യങ്ങളുടെ നിരക്ക് പരമാവധി കുറച്ചുകൊണ്ടുവരാന് ആഭ്യന്തര മന്ത്രാലയത്തിന് കഴിഞ്ഞിട്ടുണ്ട്. ഉപരോധമേല്പ്പിച്ച വലിയ വെല്ലുവിളികള്ക്കിടയിലും രാജ്യത്തെ ജനതയ്ക്ക് സമാധാനവും ശാന്തിയും ഉറപ്പുവരുത്താന് ഭരണകൂടത്തിന് കഴിയുന്നുണ്ട്. ലോകകപ്പ് ഫുട്ബോളിനായി രാജ്യമൊരുങ്ങുന്ന സാഹചര്യത്തില് സുരക്ഷാ ക്രമീകരണങ്ങള് ശക്തമാക്കിത്തന്നെ മുന്നോട്ടുപോകും. ഗള്ഫ് പ്രതിസന്ധി പരിഹരിക്കാന് സമവാത്തോടെയുള്ള ചര്ച്ചകളാണ് ആവശ്യമെന്ന് ജാസിം അല് ഖുലൈഫി പറഞ്ഞു
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.