ദു­ഖാൻ റോഡ് – മാൾ ഓഫ് ഖത്തർ തു­രങ്കപാ­ത പൊതുജനങ്ങൾക്കായി തുറന്നു

ദോഹ: ദുഖാൻ റോഡിനെയും മാൾ ഓഫ് ഖത്തറിനെയും ബന്ധിപ്പിക്കുന്ന ഒന്നര കിലോമീറ്റർ വരുന്ന തുരങ്കം പൊതുജനങ്ങൾക്കായി തുറന്ന് കൊടുത്തു. 4820 കോടി റിയാൽ ചിലവിൽ നിർമ്മിക്കുന്ന പത്ത് അതിവേഗ പാതകളുടെ നിർമ്മാണം പുരോഗമിക്കുകയാണ്. പദ്ധതിയിൽ ഉൾപ്പെട്ട 3.3 കിലോമീറ്റർ ദൂരമുള്ള പാതയാണ് ഇപ്പോൾ തുറന്ന് കൊടുത്തിരിക്കുന്നത്.

പദ്ധതികളിൽ പ്രധാനമായ ഈസ്റ്റ്-വെസ്റ്റ് കോറിഡോർ പദ്ധതിയുടെ 65 ശതമാനം നിർമ്മാണ പ്രവർത്തികളും പൂർത്തിയായതായി അധികൃതർ അറിയിച്ചു. നേരത്തെ നജ്മ സ്ട്രീറ്റ് വിപുലീകരണവും ഈസ്റ്റ് കോറിഡോറിന് കുറുകെയുള്ള പാലവും പൂർത്തിയായിരുന്നു. പുതിയ ഓർബിറ്റൽ ഹൈവേ, ട്രക്ക് റൂട്ട് പ്രോജക്ടിന്റെ ഭാഗമായി നാലു പാലങ്ങളുടെ നിർമാണം നടന്നുവരുന്നു.