Currency

Important News

എഞ്ചിനീയറിംഗ്, മെഡിക്കല്‍ പ്രവേശത്തിന് അപേക്ഷ ഇന്ന് മുതല്‍

2017ലെ എഞ്ചിനീയറിംഗ്, ആര്‍ക്കിടെക്ചര്‍, മെഡിക്കല്‍/അനുബന്ധ കോഴ്‌സുകളിലെ പ്രവേശനത്തിനുള്ള അപേക്ഷ ഇന്ന് മുതല്‍ സമര്‍പ്പിക്കാം. സംസ്ഥാന പ്രവേശന പരീക്ഷ കമ്മീഷണര്‍ 2017 ഏപ്രില്‍ 24, 25 തീയതികളില്‍ കേരളത്തിലെ എല്ലാ ജില്ലാ കേന്ദ്രങ്ങളിലും മുംബൈ, ന്യൂഡല്‍ഹി, ദുബായ് എന്നിവിടങ്ങളിലും നടത്തും.

കെഎസ്ആര്‍ടിസി ജീവനക്കാര്‍ 3ന് സൂചനാ പണിമുടക്ക് നടത്തും

ശമ്പള വിതരണം വീണ്ടും മുടങ്ങിയതോടെയാണ് ജീവനക്കാര്‍ പ്രതിജേധവുമായി രംഗത്ത് എത്തിയത്. ജനുവരി മാസത്തെ ശമ്പള വിതരണം വീണ്ടും മുടങ്ങിയതോടെയാണ് കോണ്‍ഗ്രസ് അനുകൂല സംഘടനയായ ട്രാന്‍സ്‌പോര്‍ട്ട് ഡെമോക്രാറ്റിക് ഫെഡറേഷന്‍ (ടി.ഡി.എഫ്) പ്രതിഷേധവുമായി രംഗത്തെത്തിയത്.

ഫെബ്രുവരി ഏഴിന് ചരക്കുവാഹന പണിമുടക്ക്

മോട്ടോര്‍വാഹന വ്യവസായരംഗത്ത് കേന്ദ്രസംസ്ഥാന സര്‍ക്കാരുകളും ഹരിത ട്രൈബ്യൂണലും നടപ്പിലാക്കുന്ന അപ്രായോഗിക നിയമങ്ങള്‍ക്കെതിരെയാണ് സൂചനാ പണിമുടക്കെന്ന് സ്റ്റേറ്റ് ലോറി ഓണേഴ്‌സ് ഫെഡറേഷന്‍ സംസ്ഥാന കമ്മിറ്റി അറിയിച്ചു.

1000 രൂപയുടെ പുതിയ നോട്ടുകള്‍ തിരിച്ചെത്തുന്നു

ഫെബ്രുവരിയോടെ 1000 രൂപയുടെ പുതിയ നോട്ടുകള്‍ ബാങ്കുകളിലെത്തുമെന്ന് റിപ്പോര്‍ട്ട്. നോട്ട് അസാധുവാക്കലിന് ശേഷം ഏര്‍പ്പെടുത്തിയ നിയന്ത്രണങ്ങളെല്ലാം ഫെബ്രുവരി അവസാനമോ മാര്‍ച്ച് ആദ്യമോ പിന്‍വലിക്കാനും സാധ്യതയുണ്ട്.

കൊച്ചി വിമാനത്താവളം; മൂന്നാം ടെര്‍മിനല്‍ മാര്‍ച്ചില്‍ പ്രവര്‍ത്തനമാരംഭിക്കും

മൂന്നാമത്തെ ടെര്‍മിനല്‍ മാര്‍ച്ച് രണ്ടാം വാരം പ്രവര്‍ത്തനമാരംഭിക്കും. 2014 ഫെബ്രുവരിയില്‍ തറക്കല്ലിട്ട ടെര്‍മിനല്‍ 15 ലക്ഷം ചതുശ്രയടി വിസ്തീര്‍ണത്തില്‍ അത്യാധുനിക സൗകര്യങ്ങളോടെയാണ് നിര്‍മിച്ചിട്ടുള്ളത്.

ഇ.പി.എഫ്. പെന്‍ഷന്‍കാര്‍ക്ക് ക്ഷേമ പെന്‍ഷനും വാങ്ങാം

ഇ.പി.എഫ്. പെന്‍ഷന്‍ വാങ്ങുന്നവര്‍ക്ക് അതിനു പുറമെ ഒരു സാമൂഹിക സുരക്ഷ പെന്‍ഷനോ ഒരു ക്ഷേമ പെന്‍ഷനോ വാങ്ങാന്‍ അര്‍ഹതയുണ്ടെന്ന് വ്യക്തമാക്കി ധനവകുപ്പ് ഉത്തരവിറക്കി. ഇവര്‍ ക്ഷേമ പെന്‍ഷന്‍ വാങ്ങുന്നത് വിലക്കി പുറപ്പെടുവിച്ച ഉത്തരവാണു സര്‍ക്കാര്‍ തിരുത്തിയത്.

പള്‍സ് പോളിയോ; ജനുവരി 29 നും ഏപ്രില്‍ 2നും

ജനുവരി 29, ഏപ്രില്‍ 2 തീയതികളില്‍ പ്രത്യേകം തയ്യാറാക്കുന്ന പള്‍സ് പോളിയോ ബൂത്തുകളിലൂടെ അഞ്ചു വയസിന് താഴെയുള്ള കുട്ടികള്‍ക്ക് തുള്ളിമരുന്ന് നല്‍കും. എറണാകുളം ജില്ലയില്‍ 2,25,782 കുട്ടികള്‍ക്കാണ് പരിപാടിയുടെ ഭാഗമായി പോളിയോ തുള്ളിമരുന്ന് നല്‍കുന്നത്.

ഇന്ന് ട്രെയിനുകള്‍ക്ക് നിയന്ത്രണം

കോട്ടയം വഴി ഓടുന്ന ആറു ദീര്‍ഘദൂര ട്രെയിനുകള്‍ ഇന്ന് ആലപ്പുഴ വഴി തിരിച്ചുവിടും. ഏഴു പാസഞ്ചര്‍ ട്രെയിനുകള്‍ പൂര്‍ണമായും അഞ്ചു പാസഞ്ചര്‍ ട്രെയിനുകള്‍ ഭാഗികമായും റദ്ദു ചെയ്തു.

അനിശ്ചിത കാല ബസ് സമരം പിന്‍വലിച്ചു

ഫെബ്രുവരി രണ്ടു മുതല്‍ നടത്താനിരുന്ന അനിശ്ചിത കാല ബസ് സമരം പിന്‍വലിച്ചു. ബസ് ഉടമകളും ഗതാഗത മന്ത്രി എ.കെ ശശീന്ദ്രനുമായി നടത്തിയ ചര്‍ച്ചയിലാണ് തീരുമാനം.

വരള്‍ച്ച : പൊതുജനങ്ങള്‍ക്ക് പരാതികള്‍ അറിയിക്കാൻ വരള്‍ച്ചാ പരിഹാര സെല്‍

ജലദൗര്‍ലഭ്യം, കുടിവെള്ള ചോര്‍ച്ച തുടങ്ങിയ പരാതികള്‍ സ്വീകരിക്കുന്നതിനും നടപടികള്‍ കൈക്കൊള്ളുന്നതിനുമായി കേരള വാട്ടര്‍ അതോറിറ്റിയുടെ 24 മണിക്കുറും പ്രവര്‍ത്തിക്കുന്ന വരള്‍ച്ചാ പരാതിപരിഹാര സെല്‍ പ്രവർത്തനം ആരംഭിച്ചു.

x