ഗർഷോം
ഖത്തര്: പ്രവാസിമലയാളികളുടെ നിയമ പ്രശ്നങ്ങള് കൈകാര്യം ചെയ്യാന് മലയാളികളായ അഭിഭാഷകരുടെ സൗജന്യ സേവനം ലഭ്യമാകുന്ന പ്രവാസി നിയമസഹായ പദ്ധതി ഖത്തറിലേക്കും വ്യാപിപ്പിച്ചു. തങ്ങളുടേതല്ലാത്ത കുറ്റങ്ങള്ക്കും ചെറിയ കുറ്റകൃത്യങ്ങള്ക്കും വിദേശ ജയിലുകളില് കഴിയുന്ന നിരപരാധികളായ പ്രവാസി മലയാളികള്ക്ക് നിയമ സഹായം നല്കുന്നതാണ് ഈ പദ്ധതി.
കുവൈറ്റ്, ഒമാന്, ബഹ്റൈന്, യു.എ.ഇ, സൗദി അറേബ്യ എന്നീ സ്ഥലങ്ങളിലേക്കും നോര്ക്ക ലീഗല് കസള്ട്ടന്റുമാരെ നിയമിച്ചിട്ടുണ്ട്. ജോലി സംബന്ധമായി വിദേശ മലയാളികള് നേരിടുന്ന ബുദ്ധിമുകള്ക്കും നിയമ സഹായം ലഭിക്കും. ഇതിന്റെ ഭാഗമായി കേസുകള് ഫയല് ചെയ്യാനുള്ള നിയമ സഹായം നഷ്ടപരിഹാര/ദയാഹര്ജികള് എന്നിവയില് സഹായിക്കുക, നിയമ ബോധവത്ക്കരണ പരിപാടികള് മലയാളി സാംസ്കാരിക സംഘടനകളുമായി ചേര്ന്ന് സംഘടിപ്പിക്കുക, വിവിധ ഭാഷകളില് തര്ജ്ജമ നടത്തുതിന് വിദഗ്ധരുടെ സഹായം ലഭ്യമാക്കുക, ബുദ്ധിമുട്ടനുഭവിക്കു മലയാളികള്ക്ക് നിയമവ്യവഹാരത്തിനുള്ള സഹായം നല്കുക എന്നിവയാണ് പദ്ധതിയുടെ ലക്ഷ്യങ്ങള്.
പ്രവാസി നിയമ സഹായത്തിനുള്ള അപേക്ഷ ഫാറം www.norkarosto.org ല് ലഭിക്കും. കൂടുതല് വിവരങ്ങള് ടോള്ഫ്രീ നമ്പരായ 1800 425 3939 (ഇന്ത്യയില്നിന്നും), 00918802012345 (വിദേശത്തുനിന്ന് മിസ്ഡ് കോള് സേവനം) ലഭിക്കും.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.