ക്രിസ്മസിനോട് അനുബന്ധിച്ച് ക്യൂൻസ്ലാൻഡിൽ പെട്രോൾ വില കുറഞ്ഞേക്കും

ബ്രിസ്ബേൺ: രണ്ട് വർഷത്തിനിടയിലെ ഏറ്റവും ഉയർന്ന നിലയിലെത്തിയ ഇന്ധനവില ക്രിസ്മസിനോട് അനുബന്ധിച്ച് കുറയാൻ ഇടയുണ്ടെന്നു സൂചന. റോയൽ ഓട്ടോമൊബൈൽ ക്ലബ് ഓഫ് ക്യൂൻസ്ലാൻഡിനെ അധികരിച്ചുള്ള റിപ്പോർട്ട് പ്രകാരം ലിറ്ററിനു 10 സെന്റ് കുറയാനാണു സാധ്യത.

നിലവിൽ സംസ്ഥാനത്ത്  പെട്രോൾ വില ഏറ്റവും കുറവുള്ളത് മക്കെയ് മേഖലയിലെ സരിനയിലാണ്, ലിറ്ററിന് 132.4 സെന്റ്. ഏറ്റവും കൂടുതലാകട്ടെ നോർത്ത്-വെസ്റ്റ് ക്യൂൻസ്ലാൻഡിലെ ക്ലോൺകറിയിലും – ലിറ്ററിന് 149.9 സെന്റ്സ്. കഴിഞ്ഞ മാസമാണ് പെട്രോൾ രണ്ട് വർഷത്തിനിടയിലെ ഏറ്റവും ഉയർന്ന നിലയിലെത്തിയത്.