ഗർഷോം
മസ്കത്ത്: പാചകത്തിന് അലൂമിനിയം ഫോയില് ഉപയോഗിക്കുന്നത് ഒഴിവാക്കണമെന്ന് ഒമാന് സര്ക്കാര് അറിയിച്ചു. പാചകം ചെയ്യാന് അലൂമിനിയം ഫോയില് ഉപയോഗിക്കുകയോ അല്ലെങ്കില് അലൂമിനിയം ഫോയിലില് പൊതിഞ്ഞ ഭക്ഷ്യ വസ്തുക്കള് ഓവനില് വെച്ച് ചൂടാക്കുകയോ ചെയരുത്. ആരോഗ്യത്തിന് ഹാനികരമാകുമെന്നതിനാലാണ് മുന്നറിയിപ്പ് നല്കുന്നതെന്നും അധികൃതര് വിശദീകരിച്ചു.
ചൂട് അധികമാകുമ്പോള് ഫോയിലിലെ അലൂമിനിയം ലോഹം ഇളകി ഭക്ഷണത്തില് കലരാന് സാധ്യതയുണ്ട്. നാരങ്ങയോ വിനാഗിരിയോ ഉപയോഗിക്കുമ്പോള് അതുമായി അലൂമിനിയം പ്രതിപ്രവര്ത്തിക്കുകയും ചെയ്യുമെന്ന് നോര്ത്ത് അല് ബാതിന മുനിസിപ്പാലിറ്റി പുറപ്പെടുവിച്ച നിര്ദ്ദേശങ്ങളില് വ്യക്തമാക്കുന്നു.
അലൂമിനിയം ഫോയിലിന് പകരം ചൂട് പ്രതിരോധിക്കുന്ന കുക്കിങ് ബാഗുകളോ കട്ടിയുള്ള ഇലകള് പോലുള്ള പ്രകൃതിദത്ത മാര്ഗങ്ങളോ ഉപയോഗിക്കണമെന്നാണ് നിര്ദ്ദേശം.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.