ഗർഷോം
മസ്കത്ത്: ഇന്ത്യക്കും ഒമാനും ഇടയില് എയര് ബബ്ള് കരാര് നിലവില് വന്നു. ഇരു രാഷ്ട്രങ്ങളിലെയും വിമാന കമ്പനികള്ക്ക് സര്വീസ് നടത്താനാകും. പ്രവാസികളുടെ യാത്രാ പ്രതിസന്ധി പരിഹരിക്കുന്നതാകും എയര് ബബ്ള് കരാര്. കേന്ദ്ര സിവില് ഏവിയേഷന് മന്ത്രി ഹര്ദീബ് സിംഗ് പുരിയാണ് ഇത് സംബന്ധിച്ചത് പ്രഖ്യാപനം നടത്തിയത്. നിലവില് വന്ദേ ഭാരത് മിഷന് സര്വീസുകളും ചാര്ട്ടേഡ് വിമാനങ്ങളും സര്വീസ് നടത്തിവരുന്നത്. എന്നാല്, ഒക്ടോബര് ഒന്ന് മുതല് ഒമാന് സാധാരണ വിമാന സര്വീസുകള് പുനരാരംഭിച്ചിട്ടുണ്ട്.
നിലവില് ഗള്ഫ് രാഷ്ട്രങ്ങള് ഉള്പ്പടെ വിവിധ രാഷ്ട്രങ്ങളുമായി ഇന്ത്യ എയര് ബബ്ള് പ്രകാരം വിമാന സര്വീസുകള് നടത്തിവരുന്നുണ്ട്. എയര് ബബ്ള് വിമാനങ്ങളില് ഒമാനിലെത്തുന്നവരും രാജ്യത്തെ കൊവിഡ് സുരക്ഷാ മാനദണ്ഡങ്ങള് പാലിക്കണം.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.