ഗർഷോം
ദോഹ: ബി റിങ് റോഡില് നാളെ മുതല് ഭാഗികമായി ഗതാഗത നിയന്ത്രണം. ഫരീജ് അബ്ദല്ലസീസ് ഇന്റര്സെക്ഷന് മുതല് വാദി മുഷെറിബ് ഇന്റര്ചേഞ്ച് (അല് ജെയ്ദ പാലം) വരെയുള്ള ഗതാഗതമാണു വഴി തിരിച്ചു വിടുന്നത്. നാളെ മുതല് 6 മാസത്തേക്കു ഗതാഗത വകുപ്പിന്റെ സഹകരണത്തോടെയാണു നടപടിയെന്നു പൊതുമരാമത്ത് വകുപ്പ് അറിയിച്ചു.
ബി റിങ് റോഡ് വികസന പദ്ധതിയുടെ ഭാഗമായുള്ള അടിസ്ഥാന സൗകര്യ വികസന ജോലികള് നടക്കുന്നതിനെ തുടര്ന്നാണ് ഗതാഗതം നിയന്ത്രിക്കുന്നത്. താല്ക്കാലിക ഗതാഗത മാറ്റം സംബന്ധിച്ച് അടയാള ബോര്ഡുകള് സ്ഥാപിക്കും.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.