ത്രിവേണി സംഗമം അവാർഡ് ഡോ. വി. ജി കുമാർ ദാസിന്

മലേഷ്യ: ത്രിവേണി സംഗമം അവാർഡ് ഡോ. വി. ജി കുമാർ ദാസിന് ലഭിച്ചു. മലേഷ്യയിലെ മലയാളി സമൂഹത്തിന്റെ ആത്മാഭിമാനം വളർത്തുന്നതിനും സാമൂഹ്യ സേവന രംഗത്തെ സംഭാവനകളും പരിഗണിച്ചാണ് ഡോ. വി. ജി കുമാർ ദാസിന് ത്രിവേണി സംഗമ പുരസ്‌കാരം നൽകുന്നത്. ഓൾ മലേഷ്യ മലയാളി അസോസിയേഷനാണ് ഡോ. ദാസിനെ അവാർഡിനായി നാമനിർദേശം ചെയ്തത്. പുരസ്‌കാരം ശനിയാഴ്ച വൈകുന്നേരം അഞ്ചിന് മലാക്ക കൾച്ചറൽ സെന്ററിൽ നടക്കുന്ന രണ്ടാമത് ത്രിവേണി സംഗമ ചടങ്ങിൽ സമ്മാനിക്കും.

ദീർഘകാലം യൂണിവേഴ്സിറ്റി ഓഫ് മലയായിൽ പ്രൊഫെസർ ആയിരുന്ന ഡോ. വി. ജി കുമാർ ദാസ് പിന്നീട് AIMST യൂണിവേഴ്സിറ്റി വൈസ് ചാൻസലർ ആയി നിയമിതനായി. ആറു വർഷക്കാലം യൂണിവേഴ്സിറ്റി വൈസ് ചാൻസലറും ചീഫ് എക്സികുട്ടീവുമായി സേവനം അനുഷ്ടിച്ച ഡോ. വി. ജി കുമാർ ദാസ് ഈ പദവിയിലെത്തുന്ന ആദ്യ ഇന്ത്യൻ വംശജനാണ്. മലേഷ്യയിലെ ഇന്ത്യൻ സമൂഹത്തിനു എന്നും അഭിമാനിക്കാനാകുന്ന  സേവന പ്രവർത്തനങ്ങളാണ് ഡോ. കുമാർ ദാസ് മലേഷ്യൻ സമൂഹത്തിനു നല്കിയിട്ടുള്ളതെന്നു ഓൾ മലേഷ്യ മലയാളി അസോസിയേഷൻ പ്രസിഡന്റ് ദേത്തോ സുശീല മേനോൻ പറഞ്ഞു.

മലേഷ്യ മലയാളി ഹിന്ദു പരിഷത് പ്രസിഡന്റ് ഡോ. എൻ. ആർ. നമ്പ്യാർ ആണ് ത്രിവേണി സംഗമ അവാർഡ് പ്രഖ്യാപിച്ചത്.