ഗർഷോം
റിയാദ്: സൗദിയില് സ്വകാര്യ മേഖലയിലെ ഉന്നത പദവികളില് സ്വദേശിവല്ക്കരണ തോത് 75 ശതമാനമായി ഉയര്ത്താനുള്ള കരട് നിര്ദ്ദേശത്തിന് അംഗീകാരമായി. സൗദി ശൂറാ കൗണ്സിലിനു കീഴിലുള്ള സാമൂഹ്യ കാര്യ, കുടുംബ യുവജന കമ്മിറ്റിയാണ് കരട് നിര്ദ്ദേശത്തിന് അംഗീകാരം നല്കിയത്.
രാജ്യത്തെ സ്വകാര്യ സ്ഥാപനങ്ങളിലെ ഉന്നത പദവികളില് എഴുപത്തിയഞ്ച് ശതമാനം തസ്തികകള് സ്വദേശികള്ക്ക് മാത്രമായി സംവരണം ചെയ്യുന്നതാണ് പുതിയ ഭേദഗതി. തൊഴില് നിയമത്തിലെ ഇരുപത്തിയാറാം അനുഛേദത്തില് ദേദഗതി വരുത്തിയാണ് പുതിയ നിര്ദ്ദേശം കൂട്ടിചേര്ത്തത്. സ്ഥാപനത്തിലെ ഉന്നത പദവികളില് ജോലി ചെയ്യുന്ന സ്വദേശികളുടെ അനുപാതം 75 ശതമാനത്തില് കുറയാന് പാടില്ല. സ്ഥാപനം നിര്ദ്ദേശിക്കുന്ന തസ്തികയിലേക്ക് യോഗ്യരായ സ്വദേശികളെ ലഭിക്കാതെ വന്നാല് താല്ക്കാലികമായി വിദേശിയെ നിയമിക്കാന് അനുവാദം നല്കും. ഇത് ബന്ധപ്പെട്ട വകുപ്പുകളുടെ അംഗീകാരത്തോട് കൂടി മാത്രമായിരിക്കുമെന്നും പുതിയ നിയമം നിര്ദ്ദേശിക്കുന്നു.
രണ്ടായിരത്തി മുപ്പതോടെ തൊഴിലില്ലായ്മ നിരക്ക് ഏഴ് ശതമാനമായി കുറക്കുന്നതിനാണ് പദ്ധതികളാവിഷ്കരിച്ചു വരുന്നത്. നിലവില് പന്ത്രണ്ട് ശതമാനമാണ് സ്വദേശികള്ക്കിടയിലെ തൊഴിലില്ലായ്മ നിരക്ക്.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.