കുവൈറ്റിൽ സ്വദേശികൾ തമ്മിലുള്ള വിവാഹങ്ങൾ വർധിച്ചു

കുവൈറ്റ് സിറ്റി: കുവൈറ്റിൽ സ്വദേശികൾ തമ്മിലുള്ള വിവാഹ നിരക്ക് വർധിച്ചു. കഴിഞ്ഞ മൂന്ന് വർഷത്തെ കണക്കുകൾ പ്രകാരം കുവൈറ്റിൽ സ്വദേശികൾ തമ്മിലുള്ള വിവാഹനിരക്ക് 83.7 ശതമാനമായി ഉയർന്നിട്ടുണ്ട്. നേരത്തെ ഇത് 71 ശതമാനമായിരുന്നു.

നീതിന്യായ മന്ത്രാലയത്തിലെ വിവാഹ രജിസ്േട്രഷൻകാര്യ വകുപ്പ് പുറത്തുവിട്ട കണക്കുകൾ പ്രകാരം വരൻ കുവൈത്തിയും വധു മറ്റ് രാജ്യക്കാരിയുമായി 3717 വിവാഹമാണ് (9.8ശതമാനം) കഴിഞ്ഞ മൂന്ന് വർഷത്തിൽ നടന്നത്.

കുവൈറ്റി യുവാവ് അറബ് വംശജയല്ലാത്ത യുവതികളെ വിവാഹം ചെയ്തത് 2.5 ശതമാനം മാത്രമാണ്. ഭാര്യ കുവൈറ്റിയും ഭർത്താവ് കുവൈറ്റിയല്ലാത്തതുമായ 3367 വിവാഹവും മൂന്ന് വർഷത്തിൽ നടക്കുകയുണ്ടായി.