ഗർഷോം
നികുതിദായകര്ക്കുണ്ടായ ബുദ്ധിമുട്ട് കണക്കിലെടുത്താണ് തീരുമാനം. തീയതി നീട്ടില്ലെന്നായിരുന്നു ആദായ നികുതി വകുപ്പ് അധികൃതര് ആദ്യം അറിയിച്ചിരുന്നത്. http://incometaxindiaefiling.gov.in എന്ന വെബ് സൈറ്റിലാണ് റിട്ടേണ് ഫയല് ചെയ്യേണ്ടത്. റിട്ടേണ് ഫയല് ചെയ്യുന്നതിന് ആധാര് നമ്പരും പാന് നമ്പരുമായി ലിങ്ക് ചെയ്യണം.
ന്യൂഡല്ഹി: കഴിഞ്ഞ സാമ്പത്തിക വര്ഷത്തെ ആദായ നികുതി റിട്ടേണ് ഫയല് ചെയ്യാനുള്ള സമയ പരിധി നീട്ടി. ഓഗസ്റ്റ് അഞ്ച് വരെയാണ് സമയം നീട്ടിയിട്ടുള്ളത്. നികുതിദായകര്ക്കുണ്ടായ ബുദ്ധിമുട്ട് കണക്കിലെടുത്താണ് തീരുമാനം. തീയതി നീട്ടില്ലെന്നായിരുന്നു ആദായ നികുതി വകുപ്പ് അധികൃതര് ആദ്യം അറിയിച്ചിരുന്നത്. രണ്ടുകോടിയിലധികം പേര് ഇതുവരെ റിട്ടേണ് ഫയല് ചെയ്തെന്നാണ് വിവരം.
പാന് ആധാറുമായി ലിങ്ക് ചെയ്യുകയെന്നതടക്കം ആദായ നികുതിയുമായി ബന്ധപ്പെട്ട് മുന്വര്ഷങ്ങളെ അപേക്ഷിച്ച് ഇത്തവണ കൂടുതല് പരിഷ്കാരങ്ങള് വരുത്തിയിരുന്നു. ഇത് നികുതി ദായകര്ക്ക് ബുദ്ധിമുട്ട് സൃഷ്ടിച്ച സാഹചര്യത്തിലും ചാര്ട്ടേര്ഡ് അക്കൗണ്ടന്റുമാര് ജിഎസ്ടിയുമായി ബന്ധപ്പെട്ട തിരക്കുകളിലായതിനാലും ആദായ നികുതി റിട്ടേണ് ഫയല് ചെയ്യാനുള്ള സമയ പരിധി നീട്ടിയേക്കുമെന്ന് നേരത്തെ റിപ്പോര്ട്ടുകളുണ്ടായിരുന്നു.
http://incometaxindiaefiling.gov.in എന്ന വെബ് സൈറ്റിലാണ് റിട്ടേണ് ഫയല് ചെയ്യേണ്ടത്. റിട്ടേണ് ഫയല് ചെയ്യുന്നതിന് ആധാര് നമ്പരും പാന് നമ്പരുമായി ലിങ്ക് ചെയ്യണം. നോട്ടുകള് അസാധുവാക്കിയ നവംബര് ഒന്പതിനും ഡിസംബര് 30നും മദ്ധ്യേ ണ്ട് ലക്ഷമോ അതിലധികമോ അക്കൗണ്ടുകളില് നിക്ഷേപിച്ചവര് നിര്ബന്ധമായും നിക്ഷേപത്തെക്കുറിച്ചു വിവരം നല്കാന് പ്രത്യേകം ആവശ്യപ്പെട്ടിട്ടുണ്ട്.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.