ഗർഷോം
അബൂദബി: അബൂദബി മോഡല് സ്കൂളില് കുട്ടികളുടെ റേഡിയോ പ്രവര്ത്തനമാരംഭിച്ചു. പ്രിന്സിപ്പല് അബ്ദുല്ഖാദറിന്റെ സാന്നിധ്യത്തില് സ്കൂള് ആര്.ജെ മാരായ ഐഷി, ഹിദ ബഷീര് എന്നിവരാണ് റേഡിയോക്ക് തുടക്കം കുറിച്ചത്. മോഡല് പ്രമറി റേഡിയോ 100 എന്നാണ് ചാനലിന് പേരിട്ടിരിക്കുന്നത്. എല്ലാ അധ്യയന ദിവസങ്ങളിലും ക്ലാസ് ഇടവേളകളില് ങജഞ 100 റേഡിയോ പരിപാടികളുമായി സജീവമാകും.
സ്കൂളില് വിദ്യാര്ഥികളെ അഭിസംബോധന ചെയ്യുന്ന സംവിധാനത്തിലൂടെ മുഴുവന് ക്ലാസുകളിലും റേഡിയോ കേള്ക്കാന് സൗകര്യമൊരുക്കിയിട്ടുണ്ട്. വിദ്യാര്ഥികള്ക്ക് പുറമെ അധ്യാപകര്ക്കും അവരുടെ അഭിരുചികള് പ്രകടിപ്പിക്കാന് റേഡിയോ വേദിയൊരുക്കും.
വിജ്ഞാനവും വിനോദവും പങ്കുവെക്കുന്നതിന് പുറമെ കുട്ടികളുടെ റേഡിയോ അവതരണത്തില് മികവ് ഉയര്ത്താനും കൂടിയാണ് റേഡിയോ ലക്ഷ്യമിടുന്നതെന്ന് പ്രിന്സിപ്പല് അബ്ദുല് ഖാദര് പറഞ്ഞു.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.