ഗർഷോം
ജിദ്ദ: ജിദ്ദയില് വിമാനത്താവളത്തിനോട് ചേര്ന്ന് പുതിയ പാര്ക്കിന്റെ നിര്മ്മാണം ഉടന് ആരംഭിക്കും. ബസമാത്ത് ജിദ്ദ പാര്ക്ക് എന്ന പദ്ധതി ജിദ്ദയിലെ പുതിയ കിംഗ് അബ്ദുല് അസീസ് അന്താരാഷ്ട്ര വിമാനത്താവള നിര്മ്മാണത്തിന്റെ ഭാഗമായാണ് നിര്മ്മിക്കുന്നത്. വിമാനത്താവളത്തിന്റെ തെക്ക് ഭാഗത്തെ നുസ്ഹ ഇന്ഡസ്ട്രിയല് എസ്റ്റേറ്റില് ആറ് ലക്ഷം ചതുരശ്രമീറ്റര് സ്ഥലത്താണ് പാര്ക്ക് സ്ഥാപിക്കുക. ഇതിനായുള്ള നിര്ദേശം നല്കിയതായി മക്ക ഗവര്ണ്ണര് പ്രിന്സ് ഖാലിദ് അല് ഫൈസല് പറഞ്ഞു.
നിലവില് ഇവിടെ അഞ്ച് വ്യവസായ എസ്റ്റേറ്റുകളുണ്ട്. പാര്ക്കിന് അഞ്ച് സ്തൂപങ്ങളുണ്ടായിരിക്കും. ഇവ ഇസ്ലാം മതത്തിലെ അഞ്ച് സ്തൂപങ്ങളെ പ്രതിനിധാനം ചെയ്യും. ഈ തൂണുകളില് 19 മീറ്റര് ഉയരത്തില് ലേസര് ബീമുകള് സ്ഥാപിക്കും. അറബിയിലും ഇംഗ്ലീഷിലുമായി ‘ജിദ്ദ’ എന്ന് ആലേഖനം ചെയ്ത കൂറ്റന് സ്തുപങ്ങളുമുണ്ടാകും. 20,000 ത്തിലധികം മരങ്ങളും 75 പനമരങ്ങളും നട്ട് പിടിപ്പിക്കും. 176,000 ചതുരശ്രമീറ്റര് സ്ഥലത്ത് പുല്ലുകള് വെച്ച് പിടിപ്പിച്ച് പാര്ക്ക് മോഡി കൂട്ടും.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.