ഗർഷോം
റിയാദ്: അനുമതിയില്ലാതെ ഹജ്ജിനെത്തുന്നവരെ പിടികൂടി നാടുകടത്തുമെന്ന് സൗദി ആഭ്യന്തര മന്ത്രാലയം. ഹജ്ജ് കാലത്ത് മൂന്നു വിഭാഗം വിദേശികള്ക്കു മാത്രമാണ് മക്കയില് പ്രവേശിക്കാന് അനുമതി. മക്ക ജവാസാത്ത് ഡയറക്ടറേറ്റ് അനുവദിച്ച ഇഖാമ, ഹജ് അനുമതി പത്രം, ജോലിക്കുള്ള അനുമതി പത്രം എന്നിവയുള്ളവര്ക്ക് മാത്രമേ അനുമതിയുണ്ടാകൂ. ഈ വിഭാഗങ്ങളില് പെടാത്ത വിദേശികളെ ഹജ് പൂര്ത്തിയാകുന്നതു വരെ മക്കയില് പ്രവേശിക്കാന് അനുവദിക്കില്ല. ഇവരുടെ വാഹനങ്ങളും മക്കയിലേക്ക് കടത്തിവിടില്ല.
അനധികൃതമായി ഹജ്ജിനെത്തി പിടിക്കപ്പെട്ടാല് സൗദിയിലേക്ക് പ്രവേശിക്കാന് 10 വര്ഷം വിലക്കോടെ നാടു കടത്തും. ഹജ്ജ് നിര്വഹിക്കാനുദ്ദേശിക്കുന്ന സ്വദേശികളും വിദേശികളും ഹജ്ജ്, ഉംറ മന്ത്രാലയത്തിന്റെ അനുമതിയുള്ള ഏജന്സികള് മുഖേന പെര്മിറ്റ് കരസ്ഥമാക്കണം. ഓണ്ലൈന് വഴിയും അനുമതി ലഭിക്കും. തീര്ഥാടകര്ക്ക് പ്രയാസമില്ലാതെ അനുഷ്ഠാനങ്ങള് നിര്വഹിക്കാനാണ് നിബന്ധനകള് ഏര്പ്പെടുത്തിയത്.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.