ഗർഷോം
റിയാദ്: സൗദിയില് സ്കൂള് ബസുകളുടെ ഡ്രൈവര്മാര്ക്ക് പ്രത്യേക പരിശീലന പദ്ധതി നടപ്പിലാക്കുന്നു. കുട്ടികളുടെ സുരക്ഷ ഉറപ്പാക്കുന്നതിനായാണ് പുതിയ നടപടി.
രാജ്യത്തെ സ്കൂളുകളിലെയും കോളേജുകളിലെയും വിദ്യാര്ത്ഥികളെ കൊണ്ടുപോകുന്ന ബസുകളുടെ ഡ്രൈവര്മാര്, യാത്രയ്ക്കിടെ അത്യാഹിതമുണ്ടാകുമ്പോഴും മറ്റ് അടിയന്തര സാഹചര്യത്തിലും കൈക്കൊള്ളേണ്ട കാര്യങ്ങളില് പരിശീലനം നേടിയിരിക്കണമെന്നാണ് പുതിയ വ്യവസ്ഥ. ബസ് ഡ്രൈവറെ കൂടാതെ ബസിനുള്ളില് കുട്ടികളുടെ ഇരിപ്പിടം ക്രമീകരിക്കുന്നതിനും കൂട്ടികളെ സുരക്ഷിതമായി ഇറക്കുകയും കയറ്റുകയും ചെയ്യുന്നതിനും പ്രത്യേകമായി ഒരാളെ നിയമിക്കുകയും വേണം.
സ്കൂളുകള്ക്ക് കുട്ടികളുടെ യാത്രാ സൗകര്യത്തിനായി ബസുകള് നല്കുന്ന സ്ഥാപനങ്ങള് ഈ നിബന്ധനകളെല്ലാം പാലിച്ചിരിക്കണമെന്ന് വിദ്യാഭ്യാസ മന്ത്രാലയം നിര്ദേശിച്ചു. സ്കൂള് ബസ് ഡ്രൈവര്മാരായി സ്വദേശികളെ മാത്രമേ നിയമിക്കാവൂ എന്ന വ്യവസ്ഥയുണ്ടെങ്കിലും നിയമം കര്ശനമാക്കിയിട്ടില്ല. ഡ്രൈവര്മാരുടെ അശ്രദ്ധ കാരണം ചില സ്ഥലങ്ങളില് സ്കൂള് ബസിനുള്ളില് കുട്ടികള് മരിക്കാനിടയായ സാഹചര്യത്തിലാണ് അധികൃതര് നിയമം കര്ശനമാക്കുന്നത്.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.