ഗർഷോം
റിയാദ്: സൗദി പൗരന്മാര്ക്ക് ഇന്ത്യ സന്ദര്ശിക്കുന്നതിനായുള്ള ഇലക്ട്രോണിക് വിസ സമ്പദായം ഉടന് നടപ്പിലാക്കും. സൗദിയില് ഇന്ത്യന് വിസ ഇഷ്യൂ ചെയ്യുന്ന കേന്ദ്രങ്ങളില് നേരിട്ടെത്തി ബയോമെട്രിക് സംവിധാനം വഴി രജിസ്റ്റര് ചെയ്ത് വിസ നേടുന്ന രീതിയാണ് നിലവിലുള്ളത്. ഈ സംവിധാനം നിര്ത്തലാക്കിക്കൊണ്ടാണ് പുതിയ സംവിധാനത്തിന് തുടക്കമാവുന്നത്. സൗദി കിരീടാവകാശിയുടെ ഇന്ത്യ സന്ദര്ശന വേളയില് ഉണ്ടായ ധാരണ പ്രകാരമാണ് പുതിയ നടപടി.
കഴിഞ്ഞയാഴ്ചയിലെ ഇന്ത്യാ സന്ദര്ശന വേളയില് സൗദി കിരീടവകാശി മുഹമ്മദ് ബിന് സല്മാനും പ്രധാനമന്ത്രി നരേന്ദ്ര മോഡിയും തമ്മില് ഇലക്ട്രോണിക് വിസ സംവിധാനത്തെ കുറിച്ച് ധാരണയിലെത്തിയിരുന്നു. പുതിയ സംവിധാനം ഉടനെ നടപ്പിലാക്കാനുള്ള ശ്രമത്തിലാണ് സൗദിയിലെ ഇന്ത്യന് നയതന്ത്ര ഉദ്യോഗസ്ഥര്. നിലവില് 150ലധികം രാജ്യങ്ങള്ക്കാണ് ഇന്ത്യ ഇലക്ട്രോണിക് വിസ അനുവദിക്കുന്നത്.
സൗദി അറേബ്യക്കും ഇലക്ട്രോണിക് വിസ സംവിധാനം അനുവദിക്കുന്നതോടെ നിലവിലെ ബയോമെട്രിക് വിസ സമ്പ്രദായം ഇന്ത്യ അവസാനിപ്പിക്കും.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.