ഗർഷോം
അബുദാബി: അബുദാബി ഡ്യൂട്ടി ഫ്രീ നറുക്കെടുപ്പുകളില് വീണ്ടും ഭാഗ്യം മലയാളിക്കൊപ്പം. ഈ വര്ഷം നടന്ന മൂന്നാം നറുക്കെടുപ്പിലും ഒന്നാം സമ്മാനത്തിന് അര്ഹനായത് മലയാളി. ആലപ്പുഴ സ്വദേശി റോജി ജോര്ജിനാണ് 1.2 കോടി ദിര്ഹത്തിന്റെ (ഏകദേശം 23 കോടിയിലധികം ഇന്ത്യന് രൂപ) സമ്മാനം ലഭിച്ചത്.
12 വര്ഷത്തിലധികമായി കുടുംബത്തോടൊപ്പം കുവൈത്തില് താമസിക്കുന്ന റോജി സ്വകാര്യ കമ്പനിയില് പര്ച്ചേയ്സ് ഡിപ്പാര്ട്ട്മെന്റില് സൂപ്പര്വൈസറായി ജോലി ചെയ്യുകയാണ്. നറുക്കെടുപ്പ് നടക്കുന്ന ദിവസമായിരുന്നതിനാല് ആര്ക്കാണ് സമ്മാനം എന്നറിയാന് വെബ്സൈറ്റില് പരിശോധിച്ചു. തന്റെ പേര് കണ്ട് ഞെട്ടിയപ്പോഴേക്കും സമ്മാനവിവരം ഔദ്യോഗികമായി അറിയിച്ചുകൊണ്ട് ഫോണ്വിളിയുമെത്തി. അപ്രതീക്ഷിതമായിരുന്നുവെന്നും കോടീശ്വരനായെന്ന് വിശ്വസിക്കാനാവുന്നില്ലെന്നും അദ്ദേഹം പറഞ്ഞു.
കഴിഞ്ഞ ദിവസത്തെ നറുക്കെടുപ്പില് ആദ്യത്തെ ഏഴ് സമ്മാനങ്ങള് പ്രഖ്യാപിച്ചപ്പോള് ആറും ഇന്ത്യക്കാര്ക്ക് തന്നെയായിരുന്നു. ഒരു ശ്രീലങ്കക്കാരനും വിജയികളുടെ പട്ടികയില് ഇടം നേടി. ഈ വര്ഷം ഇതുവരെ നടന്ന മൂന്ന് നറുക്കെടുപ്പുകളിലും ഒന്നാം സമ്മാനം മലയാളികള്ക്ക് തന്നെയായിരുന്നു.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.