ഗർഷോം
റിയാദ്: സൗദി അറേബ്യന് സ്വദേശികള്ക്ക് ഇന്ത്യയിലേക്ക് ഇ-വിസകള് അനുവദിച്ചു. കര്ശനമായ നടപടിക്രമങ്ങള് ഏര്പ്പെടുത്തിയതോടെ ഇന്ത്യയിലേക്കുള്ള സൗദികളുടെ ഒഴുക്ക് കുത്തനെ കുറഞ്ഞിരുന്നു. ഓണ്ലൈന് വഴി നാല് സ്റ്റെപ്പുകളിലൂടെ ഇന്ത്യയിലേക്ക് ഇനി സൗദികള്ക്കെത്താം. വിദേശകാര്യ മന്ത്രാലയത്തിന്റെ സൈറ്റില് https://indianvisaonline.gov.in/evisa/tvoa.html പ്രവേശിക്കുക. പാസ്പോര്ട്ടടക്കമുള്ള രേഖകള് നല്കണം. വിസ ചാര്ജ് അടക്കുക. ഇതോടെ വിസയായി. ഇത് എമിഗ്രേഷനില് സമര്പ്പിക്കുന്നതോടെ വിസ സ്റ്റാമ്പ് ചെയ്യും.
പുതിയ വിസയില് ടൂറിസം, ബിസിനസ്, മെഡിക്കല് ആവശ്യങ്ങള്ക്ക് അനായാസം ഇന്ത്യയിലെത്താം. കേരളത്തിലേക്കടക്കം ടൂറിസം മേഖലയില് വന് കുതിച്ചു ചാട്ടത്തിന് നീക്കം സഹായിക്കും. നിലവില് വിരലടയാളം രേഖപ്പെടുത്തല്, ബാങ്ക് സ്റ്റേറ്റ്മെന്റ് സമര്പ്പിക്കല്, അഭിമുഖം തുടങ്ങി കടമ്പകളേറെയുണ്ടായിരുന്നു. പുതിയ സംവിധാനം പ്രാബല്യത്തിലായതോടെ ആരോഗ്യ ടൂറിസം മേഖലയും ഉണരും.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.