ഗർഷോം
അബുദാബി: ബുധനാഴ്ച നടന്ന അബുദാബി ബിഗ് ടിക്കറ്റ് നറുക്കെടുപ്പില് 1.2 കോടി ദിര്ഹത്തിന്റെ (22 കോടിയിലധികം ഇന്ത്യന് രൂപ) ഒന്നാം സമ്മാനം മലയാളി യുവതിക്ക്. കൊല്ലം സ്വദേശി സ്വപ്ന നായരെയാണ് ഭാഗ്യം തേടിയെത്തിയത്. 217892-ാം നമ്പര് ടിക്കറ്റായിരുന്നു സ്വപ്ന എടുത്തിരുന്നത്.
തിരുവനന്തപുരം സ്വദേശിയായ ഭര്ത്താവിനൊപ്പം 2010 മുതല് സ്വപ്ന യുഎഇയില് താമസിക്കുകയാണ്. നറുക്കെടുപ്പ് വേദിയില് വെച്ചുതന്നെ അധികൃതര് ഫോണിലൂടെ സ്വപ്നയെ സമ്മാനവിവരം അറിയിച്ചു. തന്റെ ജീവിതത്തില് ആദ്യമായിട്ടാണ് ഒരു നറുക്കെടുപ്പില് സമ്മാനം ലഭിക്കുന്നതെന്ന് പറഞ്ഞ സ്വപ്ന, ബിഗ് ടിക്കറ്റ് അധികൃതര്ക്ക് നന്ദിയും അറിയിച്ചു.
പാകിസ്ഥാനിയായ പ്രവാസിക്കാണ് ഒരു ലക്ഷം ദിര്ഹത്തിന്റെ രണ്ടാം സമ്മാനം. ഇതൊഴികെ മറ്റ് സമ്മാനങ്ങള് ലഭിച്ചതും ഇന്ത്യക്കാര്ക്ക് തന്നെയായിരുന്നു.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.