ഗർഷോം
റിയാദ്: സൗദിയില് നിയമലംഘകരായ വിദേശികള്ക്കുള്പ്പെടെ എല്ലാവര്ക്കും കൊവിഡ് ചികിത്സ സൗജന്യമായി നല്കാന് സല്മാന് രാജാവ് ഉത്തരവിട്ടു. 154 പേര്ക്ക് കൂടി രോഗം സ്ഥിരീകരിച്ചതോടെ സൗദിയില് കൊവിഡ് ബാധിച്ചവരുടെ എണ്ണം 1453 ആയി. സൗദിയില് കൊവിഡ് ബാധിച്ച മുഴുവന് ആളുകള്ക്കും മികച്ച ചികിത്സ ലഭ്യമാക്കാന് ഭരണാധികാരി സല്മാന് രാജാവണ് ഉത്തരവിട്ടത്.
ഇതില് വിദേശികളെന്നോ സ്വദേശികളെന്നോ വ്യത്യാസമില്ല. നിയമലംഘകരായി കഴിയുന്ന വിദേശികള്ക്ക് ഉള്പ്പെടെ എല്ലാവര്ക്കും സൗജന്യ ചികിത്സ നല്കണമെന്നും ആരെയും വേര്തിരിച്ചു കാണരുതെന്നും സല്മാന് രാജാവ് ഉത്തരവിട്ടതായി ആരോഗ്യ മന്ത്രി ഡോ. തൗഫീഖ് അല് റബീഅ ആണ് അറിയിച്ചത്.
അതേസമയം ഇന്ന് രാജ്യത്ത് 154 പേര്ക്ക് കൂടി കോവിഡ് 19 സ്ഥിരീകരിച്ചു. ഇതോടെ രാജ്യത്തു കോവിഡ് ബാധിച്ചവരുടെ എണ്ണം 1453 ആയതായി ആരോഗ്യ മന്ത്രാലയം അറിയിച്ചു. അതേസമയം സൗദി എയര്ലൈസിന്റെ വിമാനങ്ങള് ഇനി മുതല് ചരക്കു നീക്കത്തിന് ഉപയോഗിക്കുമെന്ന് സൗദിയ അറിയിച്ചു. ആഭ്യന്തര -അന്താരാഷ്ട്ര വിമാന സര്വീസുകള് അനിശ്ചിതകാലത്തേക്ക് നിര്ത്തിവെച്ച സാഹചര്യത്തിലാണ് പുതിയ തീരുമാനം.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.