ഗർഷോം
റിയാദ്: സൗദിയില് സ്വകാര്യ മേഖലയില് സ്വദേശികളുടെ മിനിമം വേതനം വര്ധിപ്പിച്ച നടപടി നിലവിലുള്ളതും പുതുതായി പ്രവേശിക്കുന്നതുമായ എല്ലാവര്ക്കും ബാധകമായിരിക്കുമെന്ന് മന്ത്രാലയം. നിതാഖാത്ത് വ്യവസ്ഥയില് സ്വദേശി അനുപാതം കണക്കാക്കുന്നതിന് 4000 റിയാലില് കുറയാത്ത മിനിമം വേതനം നല്കിയിരിക്കണമെന്നും മന്ത്രാലയം ആവര്ത്തിച്ചു. നേരത്തെ ഇത് 3000 റിയാലായിരുന്നു. ദിവസങ്ങള്ക്ക് മുമ്പാണ് സ്വദേശികളുടെ മിനിമം വേതനം രാജ്യത്ത് ഉയര്ത്തിയത്.
പദ്ധതി നടപ്പിലാക്കുന്നതിന് രാജ്യത്തെ സ്വകാര്യ സ്ഥാപനങ്ങള്ക്ക് മന്ത്രാലയം നിര്ദ്ദേശം നല്കിക്കഴിഞ്ഞു. അഞ്ച് മാസത്തിനകം പ്രാബല്യത്തില് വരുത്താനാണ് നിര്ദ്ദേശം. പുതുക്കിയ മിനിമം വേതനത്തിന് അനുസൃതമായിട്ടാണ് ഇനി മുതല് നിതാഖാത്ത് വ്യവസ്ഥയിലെ സ്വദേശി അനുപാതവും നിശ്ചയിക്കുക. 4000 മുതല് മേല്പ്പോട്ട് ശമ്പളം വാങ്ങുന്നവര് മാത്രമായിരിക്കും നിതാഖാത്ത് സംവിധാനത്തില് ഒരു പൂര്ണ്ണ സ്വദേശി ജീവനക്കാരന്.
മൂവായിരത്തിനും നാലായിരത്തിനും ഇടയിലാണ് ശമ്പളമെങ്കില് അര്ദ്ധ ജീവനക്കാരനായിട്ടാണ് പരിഗണിക്കുക. മൂവായിരത്തിന് താഴെ വേതനം കൈപ്പറ്റുന്നവരെ നിതാഖാത്ത് സംവിധാനത്തില് പരിഗണിക്കില്ല.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.