457 വിസയിലെത്തുന്നവര്‍ക്ക് കാലാവധിക്ക് ശേഷം രാജ്യത്ത് തങ്ങാവുന്ന സമയം വെട്ടിക്കുറച്ചു

സിഡ്നി: ഓസ്‌ട്രേലിയയില്‍ 457 വിസയിലെത്തുന്നവര്‍ക്ക് തൊഴിൽ കാലാവധി അവസാനിച്ചു കഴിഞ്ഞാല്‍ പിന്നീട് രാജ്യത്ത് തങ്ങാവുന്ന സമയം വെട്ടിക്കുറച്ചു. നിലവിൽ തൊഴിൽവിസാകാലാവധി പൂർത്തിയായ ശേഷം 90 ദിവസം വരെ തങ്ങാമായിരുന്നു. ഇത് 60 ദിവസമായാണ് വെട്ടിക്കുറച്ചത്.  

ഈ ശനിയാഴ്ച മുതൽ ഈ നിയമം പ്രാബല്യത്തിൽ വരുമെന്ന് അധികൃതർ അറിയിച്ചു. ഓസ്‌ട്രേലിയയയിലെ ജോലി ഒഴിവുകളിൽ രാജ്യത്തുള്ളവർക്കു തന്നെ മുൻഗണന നൽകണമെന്ന ലക്ഷ്യത്തോടെയാണ് ഈ മാറ്റമെന്നു കുടിയേറ്റ കാര്യ മന്ത്രി പീറ്റർ ഡട്ടൺ അറിയിച്ചു. ഇക്കാര്യത്തിൽ ലേബർ പാർട്ടി നേരത്തെ സമ്മർദ്ദം ചെലുത്തിയിരുന്നു. ഇതിനു പിന്നാലെയാണ് സർക്കാരിന്റെ ഈ തീരുമാനം.