ഗർഷോം
വീടുകള്‍ക്കും മറ്റും തീ പടര്‍ന്നത് ഭീഷണിയുയര്‍ത്തുന്ന സാഹചര്യത്തില്‍ നിരവധി പേരെ സ്ഥലത്തുനിന്നും മാറ്റിപാര്‍പ്പിച്ചു. പലയിടങ്ങളിലായി 97 തീപിടുത്തങ്ങളാണ് റിപ്പോര്‍ട്ട് ചെയ്തിട്ടുള്ളത്. അതേസമയം 37 എണ്ണം നിയന്ത്രണാതീതമാണെന്ന് റൂറല്‍ ഫയര്‍ സര്‍വീസ് അറിയിച്ചു.
ന്യൂ സൗത്ത്‌വെയില്‍സ്: ഓസ്ട്രേലിയയിലെ ന്യൂ സൗത്ത് വെയില്‍സില്‍ 100 ഓളം സ്ഥലങ്ങളില്‍ കാട്ടു തീ പടര്‍ന്നു. വീടുകള്‍ക്കും മറ്റും തീ പടര്‍ന്നത് ഭീഷണിയുയര്‍ത്തുന്ന സാഹചര്യത്തില്‍ നിരവധി പേരെ സ്ഥലത്തുനിന്നും മാറ്റിപാര്‍പ്പിച്ചു. പലയിടങ്ങളിലായി 97 തീപിടുത്തങ്ങളാണ് റിപ്പോര്‍ട്ട് ചെയ്തിട്ടുള്ളത്. അതേസമയം 37 എണ്ണം നിയന്ത്രണാതീതമാണെന്ന് റൂറല്‍ ഫയര്‍ സര്‍വീസ് അറിയിച്ചു.
2,000 ത്തോളം അഗ്‌നിശമന സേനാംഗങ്ങളും നിരവധി വോളന്റിയര്‍മാരും രക്ഷാപ്രവര്‍ത്തനത്തിലേറപ്പെട്ടിട്ടുണ്ട്. 2009 ല്‍ വിക്ടോറിയയില്‍ കാട്ടുതീ പടര്‍ന്നതിനേക്കാള്‍ രൂക്ഷമാണ് ഇന്നുണ്ടായ തീ പിടുത്തം. അതേസമയം സിഡ്നിയില്‍ തീ പിടുത്തത്തില്‍ പൊള്ളലേറ്റ ഒരാളെ ആശുപത്രിയില്‍ പ്രവേശിപ്പിച്ചിട്ടുണ്ടെന്ന് അധികൃതര്‍ അറിയിച്ചു.
ഡുനെഡോയില്‍ കാട്ടുതീ രൂക്ഷമാണ്. തീ അപകടകരമായ രീതിയില്‍ വ്യാപിച്ചുകഴിഞ്ഞെന്നും അഗ്‌നിശമന സേനാവിഭാഗം അറിയിച്ചു. മാത്രവുമല്ല പല സ്ഥലങ്ങളിലും ജാഗ്രത നിര്‍ദേശം പുറപ്പെടുവിച്ചിട്ടുണ്ട്.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.