ഗർഷോം
അബുദാബി: ഈ വര്‍ഷം സ്വകാര്യ സ്‌കൂളുകള്‍ക്ക് ഫീസ് വര്‍ധിപ്പിക്കാന്‍ അനുമതിയില്ലെന്നു അബുദാബി വിദ്യാഭ്യാസ, വിജ്ഞാന വകുപ്പ് (അഡെക്) അറിയിച്ചു. ഫീസ് വര്‍ധിപ്പിക്കാന്‍ വിവിധ സ്‌കൂളുകള്‍ അപേക്ഷ നല്‍കിയ പശ്ചാത്തലത്തിലാണ് ഇക്കാര്യം വ്യക്തമാക്കിയത്.
222 സ്‌കൂളുകളിലും 230 നഴ്‌സറികളിലുമായി അബുദാബി എമിറേറ്റില്‍ 2.5 ലക്ഷം വിദ്യാര്‍ഥികള്‍ പഠിക്കുന്നുണ്ട്. പ്രാദേശിക, രാജ്യാന്തര തലത്തില്‍ 14 സിലബസുകള്‍ പിന്തുടരുന്ന സ്‌കൂളുകള്‍ ഇതില്‍ ഉള്‍പ്പെടും.
കോവിഡ് മാനദണ്ഡങ്ങള്‍ പാലിച്ച് ഒരു ക്ലാസില്‍ 30 വിദ്യാര്‍ഥികളെ ഇരുത്താന്‍ അഡെക് നേരത്തെ അനുമതി നല്‍കിയിരുന്നു.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.