ഗർഷോം
അബുദാബി: സാമൂഹിക അകലം ഉള്‍പെടെ കോവിഡ് മാനദണ്ഡങ്ങള്‍ പാലിക്കാതെ പൊതുസ്ഥലങ്ങളില്‍ എത്തുന്നവരെ സിസിടിവി ക്യാമറകള്‍ ഉപയോഗിച്ച് തല്‍സമയം പിടികൂടുമെന്ന് അബുദാബി സാമ്പത്തിക വികസന വിഭാഗം അറിയിച്ചു. ചെറുതും വലുതുമായ സ്ഥാപനങ്ങളിലെ ജീവനക്കാരെയും സന്ദര്‍ശകരെയും സിസിടിവി ക്യാമറ വഴി നിരീക്ഷിച്ചാണ് നിയമലംഘകരെ പിടികൂടുക.
സ്മാര്‍ട് എമര്‍ജന്‍സി കണ്‍ട്രോള്‍ റൂമുമായി സിസിടിവി ക്യാമറകളെ ബന്ധിപ്പിച്ചാണ് നിരീക്ഷണം ശക്തമാക്കുന്നതെന്ന് സാമ്പത്തിക വികസന വിഭാഗം അണ്ടര്‍ സെക്രട്ടറി അബ്ദുല്‍ കരീം അല്‍ ബലൂഷി അറിയിച്ചു. ആഴ്ചയില്‍ 7 ദിവസവും 24 മണിക്കൂറും നിരീക്ഷിക്കാന്‍ ഇതുവഴി സാധിക്കുമെന്നും പറഞ്ഞു. അല്‍ഐന്‍, അല്‍ദഫ്‌റ മേഖലകളും നിരീക്ഷണത്തിന്റെ പരിധിയിലുണ്ട്.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.