ഗർഷോം
അബൂദബി: അബൂദബിയില് നിന്ന് പുറപ്പെടുന്ന ഇത്തിഹാദ് എയര്വേയ്സിലെ യാത്രക്കാര്ക്ക് ഞായറാഴ്ച മുതല് കോവിഡ് നെഗറ്റീവ് സര്ട്ടിഫിക്കറ്റ് നിര്ബന്ധമാക്കി. നിലവില് സ്വിറ്റ്സര്ലാന്ഡ്, യു.കെ തുടങ്ങിയ യൂറോപ്യന് യൂണിയന് രാജ്യങ്ങളിലെ യാത്രക്കു മാത്രമായിരുന്നു കോവിഡ് പരിശോധന ഫലം വേണ്ടിയിരുന്നത്.
ഇത്തിഹാദ് വിമാനത്തില് സഞ്ചരിക്കുന്ന എല്ലാ യാത്രക്കാര്ക്കും ബോര്ഡിങ് പാസ് ലഭിക്കണമെങ്കില് യാത്രക്കുമുമ്പ് കോവിഡ്-19 രോഗ മുക്തരാണെന്ന് തെളിയിക്കുന്ന സര്ട്ടിഫിക്കറ്റ് ഹാജരാക്കണം. വിദേശത്തു നിന്ന് അബൂദബിയില് എത്തുന്ന എല്ലാ യാത്രക്കാരും പരിശോധന ഫലം പരിഗണിക്കാതെ 14 ദിവസം സ്വയം ക്വാറന്റീനില് കഴിയണമെന്നതും നിര്ബന്ധമാക്കി. ഇന്ത്യ, പാക്കിസ്ഥാന് സെക്ടറുകളില് നിന്നും പുറപ്പെടുന്നവര് ഇത്തിഹാദ് എയര്വേയ്സിന്റെ അംഗീകൃത മെഡിക്കല് സൗകര്യം ഉപയോഗിക്കണം.
സര്ക്കാര് അംഗീകൃത ലബോറട്ടറികളില് യാത്രക്ക് 96 മണിക്കൂര് മുമ്പ് നടത്തിയ പരിശോധന ഫലമാണ് ഹാജരാക്കേണ്ടത്. 12 വയസില് താഴെയുള്ള കുട്ടികളെയും ഭിന്നശേഷിക്കാരെയും പി.സി.ആര് പരിശോധനയില് നിന്ന് ഒഴിവാക്കിയിട്ടുണ്ട്.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.