എച്ച്1ബി വിസ: ഇന്ത്യ വീണ്ടും യുഎസിനെ ആശങ്ക അറിയിച്ചു

എച്ച്1ബി വിസ അനുവദിക്കുന്നത് സംബന്ധിച്ച നടപടിക്രമങ്ങൾ യുഎസ് കൂടുതൽ കർശനമാക്കിയതിനു പിന്നാലെ ഇന്ത്യ യുഎസിനെ വീണ്ടും ആശങ്ക അറിയിച്ചു. ഇന്ത്യൻ ഐടി ഉദ്യോഗാർത്ഥികൾ കൂടുതലായും ഉപയോഗപ്പെടുത്തുന്നതാണു എച്ച്1ബി വിസ.

യുഎസ് പ്രതിനിധികളുമായി നടത്തിയ കൂടിക്കാഴ്ചയിൽ ഇന്ത്യൻ വിദേശകാര്യ മന്ത്രി സുഷമ സ്വരാജ് ആണു ഇക്കാര്യത്തിലുള്ള തങ്ങളുടെ ആശങ്ക വ്യക്തമാക്കിയത്.

യുഎസ് പ്രസിഡന്റ് ഡൊണാൾഡ് ട്രംപിന്റെ കുടിയേറ്റ വിരുദ്ധ നയങ്ങളിൽ പ്രധാനപ്പെട്ട ഒന്നാണു എച്ച്1ബി വിസയ്ക്കു നിയന്ത്രണം ഏർപ്പെടുത്തി സ്വദേശികളുടെ തൊഴിൽ സാധ്യത വർധിപ്പിക്കുക എന്നത്.