ഗർഷോം
കുവൈറ്റ് സിറ്റി: അപ്പാര്‍ട്ട്മെന്റ് കേന്ദ്രീകരിച്ച്‌ മദ്യനിര്‍മ്മാണം നടത്തി വന്നിരുന്ന രണ്ട് പ്രവാസികള്‍ കുവൈറ്റിൽ പിടിയിലായി. സബഹ് അല്‍-അഹമ്മദ് പ്രദേശത്തെ അപ്പാര്‍ട്ട്മെന്റില്‍ പോലീസ് നടത്തിയ പരിശോധനയിൽ നേപ്പാളി സ്വദേശികളാണ് അറസ്റ്റിലായത്. 141 ബാരല്‍ മദ്യവും പോലീസ് ഇവരിൽ നിന്നും പിടിച്ചെടുത്തിട്ടുണ്ട്.
ഇതോടൊപ്പം 201 കുവൈത്തി ദിനാറും മദ്യനിര്‍മ്മാണത്തിനുള്ള ഉപകരണങ്ങളും പോലീസ് പിടിച്ചെടുത്തിട്ടുണ്ട്. ചോദ്യം ചെയ്യലില്‍ പ്രതികള്‍ മദ്യനിര്‍മ്മാണവും വില്‍പനയും നടത്തിവരികയായിരുന്നുവെന്ന് സമ്മതിച്ചു. സബഹ് അല്‍-അഹമ്മദില്‍ പട്രോളിംഗ് നടത്തുകയായിരുന്ന സുരക്ഷാ ഉദ്യോഗസ്ഥരാണ് ഇവരെ പിടികൂടിയത്.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.