ഗർഷോം
സൗദി അറേബ്യയിലെ പ്രവാസി തൊഴിലാളികൾ നാട്ടിലേക്ക് അയക്കുന്ന പണത്തിന് നികുതി ഏർപ്പെടുത്താൻ ഉദ്ദേശമില്ലെന്ന് സൗദി അറേബ്യന്‍ മോണിറ്ററി ഏജന്‍സി (സാമ) മേധാവി അഹ്മദ് അല്‍ഖലീഫി.
റിയാദ്: സൗദി അറേബ്യയിലെ പ്രവാസി തൊഴിലാളികൾ നാട്ടിലേക്ക് അയക്കുന്ന പണത്തിന് നികുതി ഏർപ്പെടുത്താൻ ഉദ്ദേശമില്ലെന്ന് സൗദി അറേബ്യന്‍ മോണിറ്ററി ഏജന്‍സി (സാമ) മേധാവി അഹ്മദ് അല്‍ഖലീഫി. സൌദി റിയാലും യുഎസ് ഡോളറും തമ്മിലുള്ള വിനിമയ നിരക്കില്‍ മാറ്റം വരുത്തില്ലെന്നും കൂടുതൽ വിദേശ ബാങ്കുകൾക്ക് രാജ്യത്ത് പ്രവർത്താനാനുമതി നൽകുമെന്നും അദ്ദേഹം വ്യക്തമാക്കി.
വിദേശ രാജ്യങ്ങളിലേക്ക് പണമയക്കുമ്പോള്‍ പുതുതായി നികുതി ഏര്‍പ്പെടുത്തുമെന്ന വാർത്തകളോട് പ്രതികരിക്കുകയായിരുന്നു അദ്ദേഹം. അമേരിക്കന്‍ കോണ്‍ഗ്രസ് അംഗീകരിച്ച ജസ്റ്റ നിയമമോ പ്രസിഡന്‍റ് പദവിയിലേക്കുള്ള റോണാള്‍ഡ് ട്രംപിന്‍റെ വിജയമോ സൗദിയുടെ അമേരിക്കയുമായുള്ള സാമ്പത്തിക ബന്ധത്തിനും നിക്ഷേപത്തിനും പ്രതികൂലമായി ബാധിക്കില്ലെന്ന് അദ്ദേഹം കൂട്ടിച്ചേര്‍ത്തു.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.