യുഎസിലേക്ക് കൂടുതൽ വിദ്യാർത്ഥികളെത്തുന്നത് ഇന്ത്യ, ചൈന എന്നിവിടങ്ങളിൽ നിന്ന്

ചിക്കാഗോ: വിദ്യാഭ്യാസ ആവശ്യത്തിനായി യു എസിലേക്ക് എത്തുന്നവരും അധികവും ചൈന, ഇന്ത്യ എന്നിവിടങ്ങളിൽ നിന്ന്. കഴിഞ്ഞ വർഷം മാത്രം ചൈന, ഇന്ത്യ എന്നിവിടങ്ങളിൽ നിന്നും യഥാക്രമം 362,368 , 206,698 വിദ്യാർത്ഥികളാണ് യുഎസിൽ എത്തിയത്. 

ശാസ്ത്ര, സാങ്കേതിക, എഞ്ചിനീയറിംഗ്, ഗണിത മേഖലകളിലെ പഠനത്തിനായാണ് കൂടുതൽ പേരും യുഎസിൽ എത്തുന്നത്. യുഎസിലെ  8,774 വിദ്യാഭ്യാസ സ്ഥാപനങ്ങളിലായി 1.18 മില്യൺ വിദേശ വിദ്യാർത്ഥികൾ നിലവിൽ പഠിക്കുന്നുണ്ടെന്നാണ് കണക്ക്. 

കഴിഞ്ഞ വർഷം മെയ് മാസത്തിലെ കണക്കുമായി താരതമ്യം ചെയ്യുമ്പോൾ യുഎസിലെ വിദേശ വിദ്യാർത്ഥികളുടെ എണ്ണത്തിൽ രണ്ട് ശതമാനം വർധന ഉണ്ടായിട്ടുണ്ട്. ഇതിൽ 79 ശതമാനം വിദ്യാർത്ഥികളും ഏഷ്യയിൽ നിന്നുള്ളവരാണ്.