കുവൈത്ത് പാര്‍ലമെന്‍റ് തെരഞ്ഞെടുപ്പ്; വോട്ടെണ്ണൽ തുടരുന്നു

കുവൈറ്റ് സിറ്റി: പതിനഞ്ചാമത് കുവൈറ്റ് പാർലമെന്റ് തെരെഞ്ഞെടുപ്പിന്റെ വോട്ടെണ്ണൽ ആരംഭിച്ചു. വൈകാതെ ഒൗദ്യോഗിക ഫലപ്രഖ്യാപനം ഉണ്ടാകും. രാവിലെ എട്ടിന് ആരംഭിച്ച പോളിങ് രാത്രി എട്ട് വരെ നീണ്ടിരുന്നു. പോളീംഗ് കഴിഞ്ഞ ഉടനെ തന്നെ വോട്ടെണ്ണൽ ആരംഭിക്കുകയായിരുന്നു.

105 സ്കൂളുകളിലായിരുന്നു പോളിങ് ബൂത്തുകള്‍ സജ്ജമാക്കിയത്. 4,83,186 വോട്ടര്‍മാരില്‍ ഏതാണ്ട് നല്ലൊരു ശതമാനം പേരും വോട്ട് ചെയ്യാനത്തെരിയെന്നാണ് പ്രാഥമിക വിവരം. രാജ്യത്തെ അഞ്ച് പാര്‍ലമെന്‍റ് മണ്ഡലങ്ങളിലേക്കാണ് ശനിയാഴ്ച തെരഞ്ഞെടുപ്പ് നടന്നത്. ഓരോ മണ്ഡലത്തില്‍നിന്ന് 10 പേര്‍ തെരഞ്ഞെടുക്കപ്പെടും.