ഖത്തറിൽ ശൈത്യകാലത്തിന് തുടക്കം; വടക്ക് പടിഞ്ഞാറന്‍ കാറ്റ് ശക്തമാകുന്നു

ദോഹ: ഖത്തറിൽ ശൈത്യകാലത്തിന് തുടക്കം കുറിച്ചുകൊണ്ട് വടക്ക് പടിഞ്ഞാറന്‍ കാറ്റ് ഇന്നു മുതല്‍ ശക്തമാകുമെന്ന് കാലാവസ്ഥാ വകുപ്പ് അറിയിച്ചു. കാറ്റ് അഞ്ച് ദിവസത്തോളം നീണ്ടുനിൽക്കും. ഇക്കാലയളവിൽ ദോഹയിലേയും ദോഹക്ക് പുറത്തുമുള്ള കൂടിയ താപനില 22-26 ഡിഗ്രി സെല്‍ഷ്യസും കുറഞ്ഞ താപനില 14-18 ഡിഗ്രി സെല്‍ഷ്യസുമായിരിക്കും.

ഡിസംബര്‍ ഏഴ് മുതല്‍ 40 ദിവസത്തേക്ക് രാജ്യത്ത് ശൈത്യം അനുഭവപ്പെടും. ഡിസംബർ 9,10 തിയ്യതികളില്‍ കടുത്ത കാറ്റ് ഉണ്ടാകുമെന്ന് കാലാവസ്ഥ വകുപ്പ് മുന്നറിയിപ്പ് നൽകിയിട്ടുമുണ്ട്. തീരമേഖലയില്‍ കാറ്റ് 40 നോട്ടിക് മൈല്‍ വേഗത്തിലാകും എന്നും മുന്നറിയിപ്പിൽ പറയുന്നു.