ഗർഷോം
റിയാദ്: റമദാനില് പ്രവര്ത്തന സമയം കുറച്ചത് കര്ശനമായി പാലിക്കണമെന്ന് സൗദി തൊഴില് മന്ത്രാലയത്തിന്റെ മുന്നറിയിപ്പ്. രാജ്യത്തെ സ്വകാര്യ സ്ഥാപനങ്ങളില് വ്യത്യസ്ത ഷെഡ്യൂളിലായി ആറു മണിക്കൂറാണ് പ്രവര്ത്തി സമയം. ഇതിന്റെ ലംഘനം മുന്കൂട്ടി കണ്ടാണ് മുന്നറിയിപ്പ്. അധിക വേതനം നല്കാതെ ഇതില് കൂടുതല് സമയം ജോലി ചെയ്യിക്കുന്നത് നിയമലംഘനമായി കണക്കാക്കും.
സര്ക്കാര് സ്ഥാപന ജീവനക്കാര്ക്ക് റമദാനില് അഞ്ചു മണിക്കൂറാണ് പ്രവൃത്തി സമയം. രാവിലെ പത്തു മുതല് ഉച്ചയ്ക്കു ശേഷം മൂന്നു വരെയാണ് വകുപ്പുകളും ഓഫീസുകളും പ്രവര്ത്തിക്കുക. റമദാന് 24 ന് ഈദുല്ഫിത്ര് അവധിക്ക് സര്ക്കാര് ഓഫീസുകള് അടക്കും. പിന്നീട് ശവ്വാല് എട്ടിനാണ് തുറക്കുക.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.