ഗർഷോം
സൗദി: വിനോദസഞ്ചാര മേഖലകളിലേക്ക് ടൂര് ഗൈഡുകളാകാന് കൂടുതല് വനിതകള് സേവനത്തിനെത്തുന്നു. നൂറ്റി അമ്പത് വനിതകള് ഇതിനകം അപേക്ഷ നല്കി. ഇവര്ക്കുള്ള ലൈസന്സുകള് ഈ മാസം തന്നെ അനുവദിക്കും.
എണ്ണേതര വരുമാനം വര്ദ്ധിപ്പിക്കുന്നതിന്റെ ഭാഗമായി വിനോദസഞ്ചാര മേഖല ശക്തിപ്പെടുത്തുകയാണ് സൗദി. നിലവില് 28 ശതമാനമാണ് വിനോദസഞ്ചാര മേഖലയിലെ സൗദിവല്ക്കരണ നിരക്ക്. സൗദി കമ്മീഷന് ഫോര് ടൂറിസം ആന്റ് നാഷണല് ഹെരിറ്റേജിന് കീഴിലാണ് പുതിയ പദ്ധതികള്. ഈ മാസം തന്നെ ടൂറിസ്റ്റ് ഗൈഡുകള്ക്കുള്ള ലൈസന്സുകള് അനുവദിക്കും.
യോഗ്യരായ സൗദി വനിതകള്ക്കാണ് ലൈസന്സുകള് അനുവദിക്കുക. 2012ല് ടൂറിസം ഗൈഡന്സില് ബിരുദം നേടിയ 150 ഓളം വനിതകള് ഇതിനായി അപേക്ഷ നല്കി. 23 വയസ്സിന് മുകളില് പ്രായമുള്ള വനിതകളെയാണ് ഇതിനായി പരഗിണിക്കുന്നത്.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.