സൗദി അറേബ്യയില്‍ ജനസംഖ്യ വർധിച്ചു കൊണ്ടിരിക്കുന്നു

റിയാദ്: സൗദി അറേബ്യയില്‍ ജനസംഖ്യ പ്രതിവര്‍ഷം 2.5ശത്മാനം വര്‍ധിക്കുന്നതായി കണക്കുകൾ. ജനറല്‍ അതോറിറ്റി ഫോര്‍ സ്റ്റാസ്റ്റിക്സ് പുറത്തു വിട്ട റിപ്പോര്‍ട്ട് പ്രകാരം കഴിഞ്ഞ ആറു വര്‍ഷത്തിനിടയില്‍ ജനസംഖ്യയിൽ 16.54 ശതമാനത്തിന്റെ വർധനയാണ് ഉണ്ടായിട്ടുള്ളത്. 2010-ല്‍ 2,72,36,156 ആയിരുന്ന ജനസംഖ്യ ഈവർഷം 3,17,42,308 ആയി ഉയർന്നു.

ഇവരിൽ 37 ശതമാനവും വിദേശികളാണെന്നും കണക്കുകൾ സൂചിപ്പിക്കുന്നു. ആകെ ജനസംഖ്യയിൽ 57.44 ശതമാനവും പുരുഷന്മാരാണ്. 3.2 ശതമാനം പേര്‍ അറുപത്തിയഞ്ച് വയസിനു മുകളില്‍ പ്രായമുള്ളവരും. 25 ശതമാനം പേര്‍ പതിനഞ്ചു വയസിനു താഴെ പ്രായമുള്ളവരുമാണ്. 104 പുരുഷന്മാര്‍ക്ക് 100സ്ത്രീകള്‍ എന്നതാണ് രാജ്യത്തെ ലിംഗാനുപാതം.