ചിക്കാഗോയിലെ അക്രമസംഭവങ്ങൾക്ക് കാരണം കുടിയേറ്റ ‘ഗുണ്ട’കളെന്ന് ട്രംപ്

ചിക്കാഗോ: ചിക്കാഗോയിലെ വർധിച്ച അക്രമസംഭവങ്ങൾക്ക് കുടിയേറ്റക്കാരെ പഴിചാരി അമേരിക്കൻ പ്രസിഡന്റ് ഡൊണാൾഡ് ട്രംപ് വീണ്ടും  രംഗത്ത്. നഗരത്തിലെ കുറ്റകൃത്യങ്ങൾക്ക് പിന്നിൽ കുടിയേറ്റക്കാരുടെ സംഘങ്ങളാണെന്ന് പ്രസിഡന്റ് ആരോപിച്ചു. 

അതിനിടെ ട്രംപിനെതിരെ ചിക്കാഗോ മേയർ റഹം ഇമ്മാനുവേലും പോലീസ് സൂപ്രണ്ട് എഡ്ഡി ജോൺസണും രംഗത്തെത്തി. ട്രംപിന്റേതെ വെറും വാചകമടി മാത്രമാണെന്നും പ്രദേശത്തെ പ്രശ്നങ്ങൾക്ക് പരിഹാരം കാണാനുള്ള യാതൊരു നീക്കവും അദ്ദേഹത്തിന്റെ ഭാഗത്തുനിന്നും ഇല്ലെന്നും ഇരുവരും ആരോപിച്ചു.