ഗർഷോം
റിയാദ്: വര്ധിച്ചു വരുന്ന തൊഴിലില്ലായ്മക്ക് പരിഹാരം കാണാന് സൗദി തൊഴില്, സാമൂഹിക വികസന മന്ത്രാലയം പുതിയ പദ്ധതി തയ്യാറാക്കുന്നു. സ്വദേശികള്ക്ക് ജോലി കണ്ടെത്താന് സൗദിവത്കരണം വീണ്ടും ശക്തമാകാനാണ് സാധ്യത. രാജ്യത്ത് തൊഴിലില്ലായ്മ നിരക്ക് 12.9 ശതമാനമായി വര്ധിച്ചിട്ടുണ്ട്.
സ്വദേശിവത്കരണം ശക്തമാക്കിയിട്ടും തൊഴിലില്ലായ്മ നിരക്ക് വര്ധിക്കുന്ന സാഹചര്യത്തിലാണ് തീരുമാനം. സ്വദേശിവത്കരണം ശക്തമാക്കിയതോടെ പ്രവാസികളില് 8 ലക്ഷം പേരാണ് ഈ വര്ഷം രാജ്യം വിട്ടത്. എന്നിട്ടും ജോലിക്ക് കയറാനായത് ഒരു ലക്ഷത്തോളം മാത്രം സ്വദേശികള്ക്കാണ്. ഈ സാഹചര്യത്തിലാണ് സ്വകാര്യ മേഖലയില് ആദ്യ ഘട്ടത്തില് 60,000 സൗദികള്ക്ക് തൊഴിലവസരങ്ങള് ലഭ്യമാക്കാനുള്ള പദ്ധതിയെന്ന് തൊഴില് മന്ത്രി എന്ജിനീയര് അഹ്മദ് അല്റാജ്ഹി പറഞ്ഞു.
സൗദികളെ റിക്രൂട്ട് ചെയ്യുന്നതിന് സ്വകാര്യ സ്ഥാപനങ്ങളെ പ്രോത്സാഹിപ്പിക്കുന്നതിനും പദ്ധതി വരുന്നുണ്ട്. ഇതിന്റെ ഭാഗമായി ചേംബര് ഓഫ് കൊമേഴ്സ് വിദ്യാഭ്യാസ, തൊഴില് പരിശീലന സ്ഥാപനങ്ങള് എന്നിവ സഹകരിച്ചും ഓണ്ലൈന് വഴി തൊഴില് പരിശീലനം നല്കും. ശേഷം സ്വകാര്യ മേഖലയില് തൊഴിലും. സ്വയം തൊഴില് പദ്ധതികള് ആരംഭിക്കുന്നതിന് ആഗ്രഹിക്കുന്ന സൗദി യുവതീയുവാക്കള്ക്ക് പലിശരഹിത വായ്പകളും നല്കും.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.