ഗർഷോം
സൗദിയില് നിന്ന് ഹജ്ജിനത്തെുന്നവര് രണ്ടും വിദേശ തീര്യഥാടകര് നാല് കുത്തിവെപ്പും നിര്ബന്ധമായും എടുക്കണമെന്നാണ് ആരോഗ്യ മന്ത്രാലയത്തിന്റെ നിര്ദേശം. രാജ്യത്തെ സര്ക്കാര് ആരോഗ്യ കേന്ദ്രങ്ങളില് കുത്തിവെപ്പിനുള്ള സൗകര്യങ്ങള് ഒരുക്കിയിട്ടുണ്ട്. ചില കുത്തിവെപ്പുകള് ഹജ്ജിന്റെ പത്ത് ദിവസം മുന്പും മറ്റു ചിലത് രണ്ടാഴ്ച മുന്പുമാണ് എടുക്കേണ്ടത്.
റിയാദ്: ഹജ്ജ് തീര്ഥാടനത്തിന് എത്തുന്നവര് നിര്ബന്ധമായും എടുത്തിരിക്കേണ്ട പ്രതിരോധ കുത്തിവെപ്പുകളെക്കുറിച്ചുള്ള നിര്ദേശം പുറത്തിറങ്ങി. സൗദി ആരോഗ്യ മന്ത്രാലയമാണ് നിര്ദേശം പുറത്തുവിട്ടത്. സൗദിയില് നിന്ന് ഹജ്ജിനത്തെുന്നവര് രണ്ടും വിദേശ തീര്യഥാടകര് നാല് കുത്തിവെപ്പും നിര്ബന്ധമായും എടുക്കണമെന്നാണ് ആരോഗ്യ മന്ത്രാലയത്തിന്റെ നിര്ദേശം. രാജ്യത്തെ സര്ക്കാര് ആരോഗ്യ കേന്ദ്രങ്ങളില് കുത്തിവെപ്പിനുള്ള സൗകര്യങ്ങള് ഒരുക്കിയിട്ടുണ്ട്.
ചില കുത്തിവെപ്പുകള് ഹജ്ജിന്റെ പത്ത് ദിവസം മുന്പും മറ്റു ചിലത് രണ്ടാഴ്ച മുന്പുമാണ് എടുക്കേണ്ടത്. മെനിഞ്ചൈറ്റിസ്, സീസണല് ഫ്ളൂ എന്നിവയ്ക്കുള്ള കുത്തിവെപ്പാണ് സൗദിയില് നിന്ന് പുണ്യനഗരിയിലെത്തുന്നവര് എടുത്തിരിക്കേണ്ട കുത്തിവെപ്പുകള്. കുട്ടികള്, പ്രായമായവര്, ഗര്ഭിണികള് എന്നിവരെല്ലാം മെനിഞ്ചൈറ്റിസിനുള്ള കുത്തിവെപ്പ് ചുരുങ്ങിയത് പത്ത് ദിവസം മുന്പ് എടുത്തിരിക്കണം. സീസണല് ഫ്ളൂവിനെതിരെയുള്ള കുത്തിവെപ്പ് ഹജ്ജിന്റെ രണ്ടാഴ്ച മുമ്പെങ്കിലും എടുക്കണമെന്നും ആരോഗ്യ മന്ത്രാലയം അറിയിച്ചു.
വിദേശത്തുനിന്നെത്തുന്ന ഹാജിമാരും അവരുടെ സംഘത്തിലുള്ളവരും ആഭ്യന്തര തീര്ഥാടകര്ക്കുള്ള രണ്ട് കുത്തിവെപ്പിന് പുറമെ Yello Fever, പിള്ളവാതം എന്നിവയ്ക്കുള്ള കുത്തിവെപ്പുകളും എടുത്തിരിക്കണം. പത്ത് വര്ഷത്തെ പ്രതിരോധ ശക്തിയുള്ള ഈ കുത്തിവെപ്പ് പത്ത് ദിവസം മുമ്പെങ്കിലും എടുത്തിരിക്കണം. പിള്ളവാത രോഗമുള്ള രാജ്യങ്ങളില് നിന്ന് വരുന്ന തീര്ഥാടകര് യാത്രയുടെ നാലാഴ്ച മുമ്പ് ഇതിനുള്ള പ്രതിരോധ മരുന്നും എടുത്തിരിക്കണം.
കുത്തിവെപ്പ് എടുത്തിട്ടുണ്ടെന്ന് ഉറപ്പുവരുത്തിയതിന് ശേഷം മാത്രമെ തീര്ഥാടകരെ സൗദിയിലേക്ക് പ്രവേശിപ്പിക്കുകയുള്ളൂ. പകര്ച്ച വ്യാദി ഉള്പ്പെടെയുള്ളവ തടയുന്നതിനായി ലോക ആരോഗ്യ സംഘടനയുടേതുള്പ്പെടെയുള്ള നിയമങ്ങള് കര്ശനമായി ആരോഗ്യമന്ത്രാലയം നടപ്പാക്കുന്നുണ്ട്.
പ്രവാസികൾക്കും അവരുമായി ബന്ധപ്പെടുന്നവർക്കും ഉപകാരപ്രദമായേക്കാവുന്ന വാർത്തകളാണ് ഗർഷോം ഓൺലൈനിലൂടെ പ്രസിദ്ധീകരിക്കുന്നത്. വാർത്തകളുമായി ബന്ധമില്ലാത്ത കമെന്റുകൾ ഇവിടെ ഉൾപ്പെടുത്തുവാൻ കഴിയില്ല. വായനക്കാർ ദയവായി സഹകരിക്കുക.