ട്രക്കിടിച്ച് പൊലീസുദ്യോഗസ്ഥ മരിച്ചു; ഇന്ത്യൻ വംശജൻ അറസ്റ്റിൽ

മെൽബൺ: മെൽബണിലെ വാൻട്രീനയിൽ പോലീസ് ഉദ്യോഗസ്ഥ ട്രക്ക് ഇടിച്ച് മരിച്ച സംഭവത്തിൽ ഇന്ത്യൻ വംശജനായ ട്രക്ക് ഡ്രൈവർ അറസ്റ്റിൽ. 26 കാരനായ സമൻദീപ് സിംഗിനെയാണ് അറസ്റ്റ് ചെയ്തിരിക്കുന്നത്. ഫസ്റ്റ് കോൺസ്റ്റബിൾ ഡി-ആൻ ഡെലിയോയാണ് മരിച്ചത്.

വ്യാഴാഴ്ച രാവിലെയായിരുന്നു അറസ്റ്റിന് ആധാരമായ സംഭവം. മെൽബണിലെ വാൻട്രീനയിൽ ബോറോണിയ റോഡിൽ റെഡ് ലൈറ്റിൽ നിർത്താതെ പോയ ട്രക്ക് ബൈക്ക് യാത്രികയായിരുന്ന പോലീസ് ഉദ്യോഗസ്ഥയെ ഇടിച്ച് വീഴ്ത്തുകയായിരുന്നു.